Куокуйдааҕы «Надежда» иис тэриллибитэ тоҕус ый буолла. Ити биримэмэ тухары түмсүү кыргыттара иистэрин, оҥорбут харысхаллары, хомуйбут эмтээх оттору ыыта олороллор.
Олунньу ыйыгар онлайн-күрэххэ, онтон от ыйыгар очнай республиканскай иис күрэҕэр Кэбээйи улууһун сүүмэрдэммит хамаандатыгар киирэн кыттыыны ылбыттара. Кыргыттарбыт хамаандаҕа киирэн кыттан, кыайыыларын иһин улууспут администрацията иистэнэр оверлочнай массыынанан бириистээбитин, «Надеждалар» бу күннэргэ тутан үөрүүбүт үксээтэ. Улууспут баһылыгар Иван Иванович Левиҥҥа, салайааччыларга Илья Николаевич Алексеевка, Анна Петровна Поповаҕа махталбытын биллэрэбит. Бирииспитин Кэбээйибит иистэнньэҥнэрэ сүбэлээн «Merrylock» оверлок ылыллыбыта. Онон кыргыттарбыт куруук күүс-көмө буолаллар. Ону таһынан биир сүбэһиппитинэн биһиги биир дойдулаахпыт Антонина Сметанина буолар. Кини анал харчынан бирииһин уонна тэриммиппит тухары өйөбүлүн-көмөтүн иһин улахан махталбытын хаһыат нөҥүө тиэрдэбит.
Улууспутуттан СВО-ҕа сылдьар байыастарга флисовай капюшоннаах куртка тигэргэ Дьокуускайтан «Илии сылааһа»сыахтан 41 миэтэрэ матырыйаалы туттубут. Онон оройуоммутуттан байыаннай дьайыыга сылдьар ыччаттарбытыгар анаан таҥас тигиллэрэ былааннанар.
Ираида Софронеева, Куокуй