Алтынньы 20 күнүгэр биһиги кылаас шефтэһэр ветераммытын Егор Авксентьевич Павловы кытта Кэбээйибит улууһун, нэһилиэгин Ытык сиригэр — Томторго экскурсиялыы барбыппыт.
Томтор бөһүөлэкпит ортотугар көстүүлээх үрдүк сиргэ турар. Манна 1935 с. сэтинньи 7 күнүгэр Бартыһаан Дьөгүөрэп — Гаврил Васильевич Егоров туттарбыт оскуолата Кэбээйи оройуонун үөрэнээччилэригэр аанын аспыта. Оройуон 7 нэһилиэгиттэн оҕолор кэлэн үөрэммиттэрэ. Оскуола олус үрдүк, улахан түннүктэрдээх, киэҥ-куоҥ эбит. СССР араас куораттарыттан үөрэхтээх учууталлар кэлэн оҕолору үрэппиттэр. Бу оскуолаҕа үөрэммит оҕолортон ученайдар, салайааччылар, суруйааччылар, араас идэлээх специалистар иитиллэн тахсыбыттар. Кинилэр оройуоммутугар уонна республикаҕа улахан үтүөлээх дьон буолаллар.
Биһиги сквергэ аймахтарбыт хаартыскаларын көрөн киэн туттубуппут. Егор Авксентьевич нэһилиэкпит, улууспут историятын олус үчүгэйдик билэр уонна биһиэхэ наһаа интэриэһинэйдик кэпсиир. Мин хос эһээм Егор Егорович уонна хос эбээм Анна Петровна Эверстовтар бу оскуолаҕа үлэлээбиттэрэ. Мин улааттахпына кинилэр курдук учуутал буолуохпун баҕарабын.
Илларион Эверстов, 4 «а» кылаас үөрэнээччитэ, Кэбээий орто оскуолата.
Хаартыскаҕа — ааптар.