Кэбээйи нэһилиэгин «Үтүө түгэн» түмсүү волонтердара уонна «Мичээр» оҕону сайыннарар киин «Кустук» эбийиэгин кырачаан волонтердара дойду үрдүнэн биллэриллибит патриотизм сылын астылар. Бу ураты тэрээһиҥҥэ оҕону сайыннарар киин үлэһиттэрэ, төрөппүттэрэ бука-бары кыттыыны ыллылар.
Сыл аһыллыытын волонтердар «Волонтеры Туймаады» түмсүү иилиир-саҕалыыр өрөспүүбүлүкэтээҕи «Туллук — символ мира и добра» барылга киирсэн акция тэрийдилэр.
Кырачааннар, төрөппүттэр, волонтердар уонна үлэһиттэр күүстэринэн 74 устуука атах таҥаһын куурдар сушилкалар, 44 устуука сухой армейскай душ, 145 устуука окопнай розжиг, 30 устуука хаптаҕай туллук, 15 устуука истээх туллук бэлэмнэннэ. Туллуктар эйэни, үтүөнү түстээннэр кыырай халлааҥҥа «көтүөхтэрэ».
Акция кыттыылаахтара «Барыта кыайыыга, эйэлээх олох кэлэрин туһугар!» диэн биир санааннан үлэлээтилэр.Маны сэргэ кырачааннар байыастарга анаан суруктарын уонна минньигэс кэһиилэрин буолаары турар Көмүскээччилэр күннэринэн анаан -минээн баһыылкаҕа уган анал дьайыыга ыытыахтара.
Татьяна Максимова-Лазарева