Бүгүн Арассыыйа үрдүнэн хотугулуу хаамыы күнэ. Чөл олоххо тардыһыы, сирдээһин билиҥҥи олох ирдэбилэ. Бу күҥҥэ сөп түбэһиннэрэн Кэбээйи нэһилиэгин “Мичээр” оҕо сайдар киинин үлэһиттэрэ, скандинавскай хаамыыннан дьарыктанааччылар нэһилиэк ытык сирдэринэн баран 4 килэмиэтир тэйиччи, барыта 8 килэмиэтири хааман кэллилэр. Хаамааччылар Ирина Кобякова, Мария Кобякова, Марьяна Васильева уонна Татьяна Максимова бүгүҥҥү тэрээһиннэрин сыаллаах-соруктаах, ис хоһоонноох тэриннилэр.
Ол курдук бары билэрбит курдук, 2027 сылга Кэбээйи улууһа тэриллибитэ 90 сыллаах үбүлүөйэ буолар. Бу дириҥ суолталаах, историческай датаҕа скандинавскай хаамааччылар бүгүҥҥү тэрээһиннэрин анаатылар. Ол иһин хаамыы маршрута ытык сирдэринэн, ол эбэтэр Горнайдааҕы сири оҥорор тэрилтэ Кэбээйитээҕи филиалын үлэһиттэригэр анаммыт “ПМК 50 лет”, уруккута Кэбээйи сопхуос “Оҕус тириитэ” сайылыгынан, Моҕоллой сыһыытынан, билигин Култуура бааһыната диэн ааттанар сиринэн Чочуобунаҕа тиийэ сырыттылар.
Татьяна Максимова-Лазарева