Республикатааҕы Олоңхо ыһыаҕын кэмигэр ыытыллыбыт атыы-эргиэн дьаарбаңкатыгар Тыайа орто оскуолатын 11-с кылааһын үөрэнээччитэ Ньургун Гуляев бэйэтин ураты бырайыагынан ситиһиилээхтик кытынна.
Ньургун бу иннинэ «Кэбээйи улууһун кэрэ айылҕата» уонна «Кэбээйи улууһун бэлиэлэрэ» диэн значоктар, магниттар уонна брелоктор бырайыагын Улуус баһылыгын Харыйатыгар бэрт итэҕэтиилээхтик көмүскээбитэ. Кини айар үлэтин, көрдөрбүт сатабылын уонна интэриэһин улуус баһылыга Иван Иванович Левин үрдүктүк сыаналаан, республика таһымнаах улахан ыһыах кэмигэр атыы-эргиэн дьаарбаңкатыгар кыттан, бэйэтин бородууксуйатын дьон дьүүлүүгэр таһаарарыгар тирэх буолар этиини киллэрбитэ.
Бу үрдүк итэҕэли эдэр чинчийээччи ситиһиилээхтик олоххо киллэрдэ. Икки күн устата Ньургун үлэлэрин дьон-сэргэ хамаҕатык ылан, үөрүүтэ үксээтэ.
Акулина Егоровна Гуляева, салайааччы, алын сүһүөх кылаас учуутала.