Кэбээйитээҕи “Сайдам” норуот айымньытын киинин тэрийиитинэн, Саха Өрөспүүбүлүкэтин Судаарыстыбаннаһын күнүгэр анаан, “Төрөөбүт төрүт дойдум!” диэн тэрээһин ыытылынна.
Олоҥхо ыһыаҕар бэлэмнэнии үлэтин чэрчитинэн, ССРС култууратын туйгуна, СӨ култууратын үтүөлээх үлэһитэ, саха фольклорун үөрэтээччи, улуус бочуоттаах олохтооҕо – С.Н.Тимофеев – Ыллык “кэбээйилии” хамсаныылаах оһуохайын, “Сайдам” норуот айымньытын киинин фольклорга испэсэлииһэ – Антон Петров, СӨ култууратын туйгуна — Александра Харлампьева оһуохай тылынан хамсаныы хаамыытын көрдөрөн үөрэттилэр.
Маны сэргэ,айылҕабыт дьиктилээх алыбын көрдөрөр Кэбээйибит мэҥэ оһуорун хамсаныытын толордубут. Хас биирдии улуус бэйэтэ туһунан мэҥэ оһуордаах буолар. Ол курдук, ааҕан сиппэт күөллэрбитигэр үөскүүр эмис собо балыкпытын, сыспай сиэллээхпитин, хороҕор муостаах сүөһүлэрбитин, бараммат бултаах быйаҥнаах хара тыаларбытыгар үөскүүр-төрүүр кыылларбытын, көтөрбүтүн, улуу киэҥ байҕал өрүспүтүн, ыраас хааннаах табаларбытын — хамсаныынан көрдөрүүгэ нэһилиэкпит оскуолатын үөрэнээччилэрэ, учууталлара, биирдиилээн тэрилтэттэн кыттыыны ыллылар. Тэрээһин кыттыылаахтара кэбээйилии 9 мэҥэ хамсаныыны үрүҥ күҥҥэ туһаайыылаах түмүктээтилэр.