Олунньу 23 күнүгэр Кэбээйи улууһун Куокуй нэһилиэгин Арҕас бөһүөлэгэр Аҕа дойдуну көмүскээччилэр күннэригэр Аҕа дойдуларын көмүскүү сылдьан олохторун толук биэрбит биир дойдулаахтарбыт сырдык ааттарын үйэтитэн уон эр бэрдэ уолаттарбыт пневматическай бинтиэпкэнэн ытыыга кииристилэр.
Бары даҕаны кыахтаах уоланнар турнирга киирдилэр. Бу турнир 7 оҕо аҕата Эр санаа орден кавалера, быстах байыаннай дьайыыга хамандыырын быыһыы сылдьан сэрии толоонугар олоҕун толук биэрбит Семенов Денис Юрьевич сырдык кэриэһигэр ананан ыытылынна. Турнир кыайыылааҕынан Спиридонов Никифор Семенович таҕыста, иккис миэстэни — Иванов Дорофей Аркадьевич, үһүс бочуоттаах миэстэҕэ Гуляев Михаил Николаевич тигистэ. Кыттааччылар бары анал сертификаттарынан, грамотанан,мэтээлинэн, анал бириистэргэ тиксэн үөрэн- көтөн тарҕастылар.
Турниры тэрийбит «Дьоһун саас» түмсүү салайааччыта Олесова Нина Егоровнаҕа улахан махталбытын тириэрдэбит, куруутун бу маннык олоххо активнай позициялаах буол, эйиэхэ тус олоххор ситиһиилэри, доруобуйаны баҕарабыт. Турнир ыытылларыгар көмөлөспүт бары тэрилтэлэргэ, спонсордарга, Семенов Денис Юрьевич дьонугар, кэргэнигэр Олесова Маргарита Николаевнаҕа. махталбытын этэбит. Дьоллоох буолуҥ, бар дьоммут!
Варвара Спиридонова