Бэс ыйын 12 күнүгэр Байыаннай дьайыыга баҕа өттүнэн иистэнэр Куокуйдааҕы «Надежда» түмсүү Дьокуускай «Илии сылааһа» сыахтан 15 миэтирэлээх футболка матырыйаалын туппута. Ол онтон 22 футболканы быһан, сайыҥҥы тэрээһиннэр быыстарыгар, дьиэлэригэр тигэн бүтэрдилэр.
От ыйын 8-11 күннэригэр Дьокуускай куоракка «Үлэ-иис күрэҕэ», байыаннай дьайыы кыттыылаахтарыгар анал таҥастары тигии өрөспүбүлүкээнискэй иис күрэҕэ ыытыллар. Ол күрэххэ биһиги улууспутуттан 10 киһилээх хамаанда кытта барыахтаах (Кэбээйи, Мукучу, Куокуй). Куокуйтан икки иистэнньэҥ Игнатьева Р.П., Еремеева Т.У. хамаанда састаабыгар киирдилэр.
Кэбээйи улууһун хамаандатыгар, биир санаалаах кыргыттарбытыгар ситиһиини баҕарабыт!
Ираида Софронеева, Куокуй.