Сииттэлэр биир сомоҕо буолан анал байыаннай дьайыыга сылдьар биир дойдулаахтарбытыгар көмө оҥорорбут бэһис сыла буолла.
Ол курдук, саҥа сылбытын эмиэ бэрт түмсүүлээхтик саҕалаатыбыт. Сииттэбит олохтоохторо, бары ыытыллар үтүө санаа аахсыйаларыгар, тэрээһиннэригэр олус көхтөөхтүк кытталлар. Күн бүгүнүгэр дылы тохтообокко көмөлөһө олорор дьиэ кэргэттэрбитигэр махталбыт муҥура суох. Нэһилиэкпит түөлбэлэрин олохтоохторо «Дьүкээбил» (сал. Агафья Дьяконова), «Сарыал» (сал. М. Захарова) харчыннан кыттыһан, куораттан оптовай сыананнан суунар маллартан саҕалаан, таҥаска — сапка, минньигэс аска тиийэ ыллаттараннар, улахан көмөнү оҥордулар. Онон түөлбэлэрбит салайааччыларыгар улахан махталбытын тиэрдэбит. Көмө баһыылкаларбытын таһан күүс — көмө буолар олохтоох дьаһалта баһылыгар Семен Тимофеевка, ону кытта суоппар уолаттарбытыгар — Василий Сивцевка, Артем Винокуровка, Прокопий Новгородовка, Айсен Ноговицыҥҥа улахан махталбытын тиэрдэбит.
Ити курдук дойдубут үтүө санаалаах дьонугар баҕарыа этибит кытаанах доруобуйаны, баҕа санааҕыт барҕара туоллун, туппуккут тупсан истин. Барыта этэҥҥэ эрэ буоллун диэн алгыс баһа сыалыыбыт.
Марианна Сивцева