Сииттэбит нэһилиэгэр олохтоох дьаһалта баһылыга Семен Тимофеев 2024 сыллааҕы отчуоттуур мунньаҕар олохтоохтор тоҕуоруһа муһуннулар. Семен Тимофеев сыллааҕы үлэтин, ситиһиилэрин, ону тэҥэ ханнык үлэ-хамнас түмүктэммитин туьунан, дьон-сэргэ сэргии истэр гына, атах тэпсэн олорон аһаҕастык кэпсээтэ, иһитиннэрии оҥордо. Олохтоох тэрилтэ салайааччылара, эмиэ сыллааҕы үлэлэрин-хамнастарын туһунан бар дьонноругар отчуоттаатылар. Нэһилиэктэрин сайдыытыгар үтүө кылааттарын килэрсибит саамай көхтөөх, бастын дьоммутугар Семен Тимофеевич наҕараадалары туттартаата.
Маны сэргэ олохтоох нэһилиэк дьокутааттара «Үтүө санаа харыйата» акцияҕа кыттыыны ыллылар. Кинилэр доруобуйаларынан хааччахтаах оҕолорбутугар саҥа дьыллааҕы бэлэхтэри туттардылар.
Бар дьоммутугар анаан саҥа дьыллааҕы күрэхтэр тэрилиннилэр. Ол курдук тыа ыала буоларбытын туоһулаан, кэтэх хаһаайыстыбалаах дьиэ кэргэттэргэ кердеех «Балбаах шоу — 2024» күрэх буолан ааста. «Сделано в СССР» ретро саҥа дьыллааҕы муннук уонна тэрилтэ таһын киэргэтиигэ, саамай уһун эриэн үөн диэн күрэх бэртээхэй көрүҥнэргэ ыытылыннылар.
Саҥа дьыллааҕы дьоро киэһэҕэ барыта кыралыын-улаханныын 140 киһи сырытта. Төһө да билиҥҥи балаһыанньаннан сэмэй тэрээһини тэрийдэрбит, кэлбит дьон астына ыллаһан, үнкүүлэһэн, олохтоох дьаһалта туруорбут бэртээхэй лотереятыгар көхтөөхтүк кыттан, тэрийээччилэргэ махтал тыл бастыҥын тиэртилэр.
Уьус сылын Семен Тимофеевич култуура улэьиттэрин тэрээьиннэрин ейеен, бэртээхэй бириистэринэн кыттааччыларбытын ке5улууругэр улахан махталбытын тиэрдэбит.
Саҥа дьыл дьоро киэһэтигэр тэрилтэнэн үҥкүү курэҕэ буолан ааста. Сииттэ орто оскуолатын ( дир. А.Новгородов) «Чуораанчык» уһуйаан ( сэб.О.Александрова), олохтоох балыһа ( сэб. А.Павлова) уонна дьаһалта кэлэктиибэ ( баьылык С.Тимофеев) көхтөөх кыттыыны ыллылар. Арассыыйа уонна Саха сирин доруобуйатын харыстабылын үтүөлээх үлэһиттэрэ Иванова Мария Герасимовна, Ольга Степановна Попова, күөх моҕой сылыгар төрөөбүт биир дойдулаахтарбытын көҕүлээннэр, тэрээһиннэрбитин өйөөннөр, харчы хомуйан спонсордаабыттарыгар улахан махталбытын тиэрдэбит. Култуура ыыппыт тэрээһиннэригэр, курэхтэрбитигэр көхтөөхтүк кыттыбыт дьоммутугар-сэргэбитигэр улахан махталбытын тиэрдэбит.
Үүммүт саҥа дьылынан Кэбээйибит улууһун олохтоохторун ис- сүрэхтэн эҕэрдэлиибит. Дьоллоох, доруобай буолуҥ диэн баҕа санаа бастыҥын тиэрдэбит.
Марианна Сивцева.