Сииттэбит нэһилиэгэр Кыайыы 80 сылыгар аналлаах уолаттарга мини-футбол күрэҕэ буолан ааста.
Күрэхпитигэр барыта 4 хамаанда кыттыыны ылла. Барыта 27 оҕо кытынна. Кыраларга Андрей Горохов, Алихан Петров, улахаттарга Адам Аргунов, Айсен Кондратьев, сытыы киирсиилээх, бэртээхэй «гол» киллэриилээх, ыһыылаах — хаһыылаах хамаандабыт уолаттара күөн көрүстүлэр. Күрэҕи көҕүлээн ыытарга, күүс — көмө буолла Захар Кривошапкин. Күрэх түмүгүнэн кыраларга — Андрей Горохов, улахаттарга — Айсен Кондратьев хамаандалара бастакы миэстэни ыланнар минньигэс туордунан, ону кытта утахтарынан биһирэннилэр, иккис буолбут хамаандалар эмиэ хаалсыбатылар, минньигэс соктары бэлэх туттулар. Күрэҕи иилээн — саҕалаан олохтоох култуура киинэ тэрийдэ.
Оҕолорбут футбол оонньууну үчүгэйдик баһылаабыттар диэн бэлиэтии көрдүбүт. Нэһилиэкпит иһигэр спортивнай площадка тутуллан, хас киэһэ аайы үүнэр ыччат оҕолорбут чөл олоххо тардыһан, өрө тутан, сырдыкка — кэрэҕэ тардыһалларын көрөн олус үөрэбит уонна эрэнэбит. Икки чаас устата оҕолорбут сибиэһэй салгыҥҥа астына — дуоһуйа кһрэхтэстилэр. Инникитин да араас хабааннаах күрэхтэр, оонньуулар ыытыллыахтара, төрөппүттэр оҕолоргутун тэрээһиннэргэ кытыннаран сэргэхситиэххит диэн эрэнэбит.
Марианна Сивцева