Сааскы ылааҥҥы күннэргэ Сииттэбит нэһилиэгэр, астына — дуоһуйа сибиэһэй салгыҥҥа онньоон — көрүлээн күннэрин атаараары, кырачаан уолаттарбыт, кэлэр кэскиллэрбит, ис сүрэхтэриттэн, бэйэлэрэ футбольнай площадка хаарын ыраастаан улахан субботнигы саҕалаатылар.
Быйыл хаарбыт элбэх, ону ол диэбэккэ улахан киһитэ суох бэйэлэрин күүстэринэн субботникка кыттыыны ыллылар Алихан Петров, Андрей Горохов, Саша Слепцов, Степа Винокуров, Демид Расулов, ону кытта Алеша Ноговицын, Айал Попов, Амар, Ануар Васильевтар, Богдан Кривошапкин.
Оҕолорбутугар улахан махталбытын тиэрдэбит. Ити курдук өрүү биир сомоҕо буолан Сииттэҕит чэчирии сайдарыгар күүс — көмө, биир сутурук буолан кыайыылаах — хотуулаах буолуоххут диэн эрэлбит улахан.
Марианна Сивцева