Ахсынньыга — дойдубут үрдүнэн «Дьоруойдар күннэринэн» 2007 сыллаахтан бэлиэтэнэр. Бу күн Аҕа дойду Улуу сэриитигэр уонна анал байыаннай дьайыыга эйэлээх, нус-хас олох туһугар олохторун толук биэрэллэрин кэрэйбэтэх дьоммутугар махтаныы, сүгүрүйүү уонна кинилэри ахтан-санаан аастыбыт. Аҕа дойду дьоруойун чиэстиир күҥҥэ аналлаах «Ким да умнуллубат бу күҥҥэ, туох да умнуллубат бу кэмҥэ» диэн оскуолабыт выпускнига Альберт Кривошапкин хоһоонун тылыттан уруок ааттанылынна. Бу уруогу оскуолабыт түмэлин үлэһитэ Сивцева Анна Лазарьевна ыытта. Аҕа дойду сэриититтэн саҕалаан билигин буола турар анал байыаннай дьайыыга биир дойдулаахтарбыт хорсун быһыылара үйэлэргэ хаалар хорсун быһыылара үйэ -саас умнуллубатын, кинилэр ааттара өрүү тыыннааҕын тоһоҕолоон бэлиэтээтэ. Тэрээһиҥҥэ үөрэнээччилэр Павлов Коля, Степанов Вася, Винокуров Стёпа, Ноговицын Эрчим, Васильев Ануар, Васильев Амар, Егоров Егор, Павлов Дима, Кондратьев Айсен, Тимофеева Оля, Реева Амелия, Новгородова Нарыйа А5а дойду Улуу сэриитигэр кыттыбыт уонна анал байыаннай дьайыыга олохторун толук биэрбит биир дойдулаахтарбыт туһунан иһитиннэрии оҥордулар.
Дойдубут туһугар ытык иэстэрин эҥкилэ суох толорбут уолаттарбытыгар сүгүрүйэн туран кутурҕан мүнүүтэтэ биллэриллибитэ. Сырдык тыыннарын дойдубут туһугар толук уурбут хорсун буойуттарбытын хаһан да умнуо суохпут! Кинилэр албан ааттара үйэлэргэ ааттана туруо5а.
Ким да умнуллубат! Туох да умнуллубат!
В. Е. Колмогоров аатынан Сииттэ орто оскуолатын
10 кылааһын үөрэнээччитэ Тимофеева Оля