Биһиги оскуолабытыгар 2017 сылтан пионерскай этэрээттэр тэриллэн билигин оскуолабыт аатын сүгэр буойун учуутал Василий Егорович Колмогоров аатынан пионерскай дружина үлэлиир. Быйыл бэһис кылаастар (кылаас салайааччыта Г.В. Данилова) пионерга киирдилэр. Кинилэр этэрээттэрэ төрөөбүт Сииттэтигэр элбэх сыл салайар үлэҕэ үлэлээбит, сииттэлэртэн бастакы баһылык буолбут, Кэбээйи улууһун бочуоттаах олохтоо5о Григорий Степанович Иванов аатын сүгэр. Саҥа пионерга киирбит оҕолор Григорий Степанович олоҕун, үлэтин кытта билсиһэн, салгыы үөрэтэргэ ылыннылар.
Мин санаабар, оҕо эрдэхтэн төрөөбүт дойдубут үтүө үлэһит дьонун холобур оҥостон Ийэ дойдубутун таптыыр, киниэхэ бэриниилээх буола улаатарбыт саарбаҕа суох.
Ира Гуляева — В.Е. Колмогоров аатынан Сииттэ оскуолатын 7 кылааһын үөрэнээччитэ