Бу дьыл сэтинньи ыйыгар В. Е. Колмогоров аатынан Сииттэ орто оскуолатыгар Олоҥхо декадатын чэрчитинэн уонна улууспутугар ыытыллар Олоҥхо ыһыаҕын көрсө араас тэрээһиннэр буола тураллар. Ол курдук, оскуола оҕолоругар ѳбүгэ остуол оонньууларыгар хабылыкка күрэс буолан ааста. Оонньооччулар түргэн туттууларын, сытыы харахтарын уонна тапталлаах хабылык оонньуутугар умсугуйан туран оонньооhуннарын физкультура учуутала Г.К. Петров тэрийэн ыытта.
Оскуола үөрэнээччилэригэр «Олоҥхо оҕо хараҕынан» диэн уруһуй быыстапка (салайааччы Петрова О.Ф.) элбэх оҕо олоҥхону интэриэhиргииллэрин уонна олоҥхо араас сюжеттарын оҥорбуттара киhини үѳрдэр. Манны таһынан оскуолабыт библиотекарэ С.В. Назаренко «Олоҥхо эйгэтэ» диэн кинигэ быыстапкатын оҥордо. Бу быыстапкаҕа биир сүрүн миэстэни олохтоох матырыйааллар киэргэттилэр. Ол крдук, Сииттэбитигэр тѳрүѳбүт олоҥхоhут, фольклор хомуйааччы А.С. Попов – Муотаан «Бэриэт Бэргэн» диэн олоҥхо латыынныы суруллан национальнай архыыпка 1940 с. туттарыллыбыта, Муотаан «Саха сэhэннэнрэ» кинигэтэ, 2007 с. Муотаан туhунан билигин оскуолабыт үлэhитэ Гаврил Слепцов дакылаат суруйан республиканскай «Инникигэ хардыы» НПК-аҕа ситиhиилээхтик кыттыбытын туоhулуур диплом, бу олоҥхону 2006 с. латыынныы алпаабыттан үлэ, тыыл ветерана Мария Павловна Охлопкова ааҕан олоҥхо ис хоhоонун дьоҥҥо – сэргэҕэ тиэрдибит, ону сэргэ «Кэбээйи олоҥхоhуттара» (2018 с. авторТимофеев С.Н.) матырыйааллар киhи болҕомтотун тардаллар.
Кылаас салайааччылара араас олоҥхо темаларыгар кылаас чаастарын ыыттылар.
Оскуолабытыгар директор сүбэhитэ С.В. Обутова олоҥхоҕо аналлаах викторина ыытан оҕолору сэргэхситтэ. Кыайыылаахтар бигэргэтиллиннэр. Олоҥхо – норуот тылынан уус–уран айымньытын чыпчаала. Киһи олоҥхону аахтаҕына, кэрэтик саҥарарга, олоҥхо тылын өйдөөтөҕүнэ, мындырдаан толкуйдуурга, ис хоһоонун биллэҕинэ, сөптөөхтүк дьаһанан олорорго үөрэтэр- иитэр.
Оскуолабыт үѳрэнээччитэ, хаhан эрэ бу оскуола истиэнэтиттэн олоҥхону ааҕыыга үѳрэммит билигин культура үлэhитэ буолан тѳрѳѳбүт дойдутугар кэлэн үлэлии сылдьар Афанасий Афанасьевич Гуляев оҕолорго олоҥхону хайдах ааҕарга «Оллоонноон олорон олоҥхолуох» диэн маастар- кылаас ыыппытын оҕолор олус сэргээн иhиттилэр.
Сэтинньи 25 күнүгэр, бүтүн Ѳрөспүүбүлүкэ үрдүнэн киhи аймах шедеврэ буолбут Олоҥхо күнэ бэлиэтэнэр. Бу иитэр үлэҕэ директоры солбуйааччы, бу декаданы салайан ыытар Никитина Т.А. киирии тылы эттэ. Саха тылын уонна литературатын учуутала М.А. Яковлева олоҥхо саха норуотун уус – уран чыпчаала диэн итэҕэтиилээхтик билиhиннэрдэ. Биһиги оскуолабытыгар кыраайы үөрэтээччи, музей үлэһитэ А.Л. Сивцева «Сииттэттэн тѳрүттээх сээркээн сэhэнньит, олоҥхоһут, олоҥхону хомуйааччы Афанасий Стиепанович Попов — Муотаан» диэн оскуола о5олоругар, учууталларга музейнай уруок ыытта. Бу уруокка үөрэнээччилэр биир дойдулаахпыт, олоҥхоһут А.С. Попов – Муотаан туһунан олус элбэх чахчылары биллибит. Уруок түмүгэр А. Л. Сивцева үөрэппит оҕолоро 9-с кылаас үѳрэнээччилэрэ Нарыйаана Новгородова, Амелия Реева оhуохай эттилэр, төгүрүччү эргийэммит бары оһуохай үҥкүүтүгэр кыттыстыбыт. Манны таһынан А. А. Гуляев «Эрчимэн Бэргэн» олоҥхону туойан иһитиннэрдэ. Ону сэргэ оскуола орто сүһүөҕүн уолаттара олоҥхоттон быhа тардан эттилэр (салайааччы Захарова М.А.). Никитина Алгыстаана 3 – с кылаас үөрэнээччитэ (сал. Сивцева А.Л.), Слепцов Саша 3-с кылаас үөрэнээччитэ, «Кэскил», «Тускул» амсаамбыллар (сал. Попова Л.К.) норуот ырыаларын ыллаан дьиэрэттилэр.
Сэтинньи 26 күнүгэр Сииттэбит нэhилиэгэр күн сирин көрбүт олоҥхоhут А.С. Попов — Муотаан суруйан хаалларбыт «Бэриэт Бэргэн» олоҥхону ааҕыыны үѳрэх чааhыгар директоры солбуйааччы Людмила Васильевна Попова кѳҕүлээhининэн учууталларбыт аахтылар. Сахалыы таба суруйуу үөруйэҕин сайыннарар, олоҥхо баай тылын-өhүн, билиини- көрүүнү кэҥэтэр сыаллаах Олоҥхо декадатын чэрчитинэн Өрөспүүбүлүкэтээҕи «Олоҥхо дьыктаана- 2025» буолла.
Дьэ, ити курдук 2026 с. кэрэ кэскил кыраайбыт Кэбээйибит улууhугар Олоҥхо ыhыаҕа буоларынан араас тэрээhиннэр, кѳрдѳѳhүннэр, быыстапкалар оскуолабыт иhинэн былааннаныллан үлэлии – хамсы сылдьабыт.
Оля Тимофеева, В.Е. Колмогоров аатынан Сииттэ орто оскуолатын 10-с кылааhын үөрэнээччитэ