Сииттэбит нэһилиэгэр ичигэс күннэри баттаһа, айылҕаттан айдарыылаах үтүө сүбэһиппит, Эдьиий Дора ыллыктаах сүбэтин ылынан, эргэ Тохойбутугар охтубут мастары барытын ыраастаан, уматан улахан субботник буолан ааста.
Уһун ууларыгар утуйа сытар, аймах — билэ, чугас дьоммут сытар сирдэрин, сэбирдэх түспүтүн кэннэ, ыкса күһүн хомуйарбытыгар, Эдьиийбит сүбэлээбитин тутуһан , бары сиэри — туому толорон, алаадьылаан, үрүҥ аһынан айах тутан, көрдөһөн — ааттаһан, бу улахан үлэ барда. Ону кытта нэһилиэкпит свалкатын сылын аайы, олохтоох дьаһалта үлэһиттэрэ барытын чөмөхтөөн, ыраастаан, умайыан сөптөөх бөхтөрү уматыы үлэлэрэ бэрт тэрээһиннээхтик ыытылыннылар.
Марианна Сивцева