Сииттэбит нэһилиэгэр Комсомол күнүгэр аналлаах тэрээһин буолан ааста. Тэрээһиҥҥэ комсомол кэккэтигэр киирэн, үлэни — хамнаһы өрө туппут ийэлэрбит, эбэлэрбит, эдьиийдэрбит ыалдьыттаан бардылар. Ааспыт күүрээннээх кэмнэрин ахтан — санаан аастылар.
Олохтоох библиотека сэбиэдиссэйэ Мария Обутова нэһилиэкпит бастакы уонна бастыҥ комсомолецтары, сэкирэтээрдэри ахтан, дириҥ ис хоһоонноох слайда оҥорон билиһиннэрдэ. Бу күн 70 — 80 сыллардааҕы платьелары, драп соннору, көстүүмнэри, оҕуруолары аҕалан муода көрдөрдүлэр. Уостан түспэт ырыалары таба таайарга күрэхтэстилэр, астына — дуоһуйа оонньоотулар. Төгүрүк остуол тула олорон элбэҕи сэһэргэстилэр, ырыалары да ыллаатылар. Ырыа күрэҕэр Ольга Левина, Анна Сивцева кыайыылаах үрдүк аатын сүктүлэр. Муода көрдөрүүтүгэр саамай элбэх ааспыт кэм таҥастарын ууруна сытар Наталья Гуляева кыайыылаах буолла. Саамай элбэх 70 — 80 сыллардааҕы аксессуардары аҕалан көдөрдө, билиһиннэрдэ — Ольга Левина.
Ити курдук, тэрээһин бэрт сэргэхтик ааста. Олохтоох култуура киинин үлэһиттэрин ааттарыттан бэртээхэй бэлэхтэри тутан, астынан тарҕастылар. Түгэнинэн туһанан улууспут улуу комсомолецтарын итиитик — истиҥник эҕэрдэлиибит.
Марианна Сивцева