Бүтүн Россиятааҕы бибилэтиэкэлэр күннэрин көрсө Национальнай библиотека «Кинигэ күүһэ» аахсыйаны 8-с сылын тэрийэн ыытар. Быйылгы Өрөспүүбүлүкэтээҕи аахсыйа Арассыыйаҕа Норуоттар сомоҕолоһууларын, Саха сиригэр Култуура уонна Кэбээйи улууһугар Олоҥхо сылларыгар ананна. Тэрээһиҥҥэ Сииттэ орто оскуолатын 7 кылааһын үөрэнээччилэрэ кыттыыны ыллылар. Киирии тылы олохтоох библиотека үлэһитэ Мария Обутова оҕолорго «Кинигэ күүһэ» аахсыйа суолтатын иһитиннэрдэ уонна оҕолору элбэхтик кинигэ ааҕан, сайыҥҥы сынньалаҥнарын туһалаахтык атааралларыгар баҕарда. Ааҕааччыларынан нэһилиэкпит социальнай харалта испэсилииһэ Е.М.Васильева, Оҕо тэрилтэтин салайааччыта М.И.Расулова уонна технология учуутала О.Ф.Левина буоллулар. Ааҕааччылар улууспут үс норуодунай суруйааччылар А.В. Кривошапкин, Н.А.Лугинов, В.Н.Федоров айымньыларын эбээннии, сахалыы нууччалыы ааҕан иһитиннэрдилэр. Оҕолор чуумпуран олорон олус сэргээн иһиттилэр.
“Кинигэ күүһэ” акцияҕа кыттыбыт оскуолабыт үөрэнээччилэригэр уонна Е.М.Васильеваҕа, О.Ф. Левинаҕа уонна М.И.Расуловаҕа махтанан туран сертификаттары туттардыбыт. 7-ис кылаас салайааччытыгар, нэьилиэкпит сэбиэтин депутатыгар Сардаана Васильевна Обутовага тэрээһиммитигэр куюүс- көмө буолбутугар туспа махталбын тиэрдэбин. Тэрээһин туһалаахтык ааста диэн эрэллээхпит.
Мария Обутова, Сииттэ нэһилиэгэ.