Сииттэбит нэһилиэгэр ааспыт кэмнэри санаан-ахтан ааһаары, «урукку сылларга быыбар улахан бырааһынньык тэҥэ буолар этэ» диэн туран, бэртээхэй тэрээһини тэрийэн ыыттыбыт. Саастаах өттүлэрэ сарсыарда 8 чаастан эбиэккэ дылы быыбарга тоҕуоруһа муһуннулар. Музыка доҕуһуолугар уйдаран, олохтоох сибиэһэй ас-үөл лотереятыгар элбэх киһи көхтөөх кыттыыны ылла.
Киирбит үп барыта анал байыаннай дьайыыга сылдьар биир дойдулаахтарбытыгар ичигэс таҥас-сап ыларга ананна. Бастатан туран, махтаныам этэ уйан дууһалаах, өрүү күүс-көмө буолар нэһилиэгим олохтоохторугар. Этэргэ дылы, Сииттэлэр СВО саҕаланыаҕыттан көмөлөрө уҕараабат. Биир санаанан Кыайыыны уһансабыт.
Бу курдук көмүс күһүммүтүн уруйдаан-айхаллаан атаарар тэрээһиммитигэр кыралыын-улаханныын 60-тан тахса киһи көхтөөх кыттыыны ыллылар. Улууспут дьонугар үтүө баҕа санаабытын тиэрдэбит. Бука бары дойдубут туһа диэн, быыбарга биир киһи курдук кыттыыны ылан, сэмэй кылааккытын киллэриэххит диэн эрэнэбит уонна ыҥырабыт!
Марианна Сивцева