2023 сыллаахтан саҕалаан Өрөспүүбүлүкэтээҕи мобильнай биригээдэлэр кииннэрин медицинскэй бырайыага өрөспүүбүлүкэҕэ тиийимтиэ уустук нэһилиэнньэлээх пууннарга элбэх хайысхалаах исписэлиистэр хамаандаларынан сырыылары тэрийэр. Олунньу ыйга быраастар биригэдээлэрэ Кэбээйи улууһугар үлэлээтилэр. Ол курдук, Сайылык, Арыылаах, Баҕадьа, Мастаах, Лүксүгүн, Арыктаах, Чагда, Кэбээйи, Тыайа сэлиэнньэлэрин олохтоохторун көрдүлэр.
Сииттэҕэ быраастар мобильнай биригээдэлэрэ 2026 сылга былааҥҥа турбатаҕын туһунан олохтоохтор, хомойо истибиппит. Баһылыкпытыгар Семен Тимофеевка нэьилиэк дьоно, кэлэн көрөн-истэн бараллара буоллар диэн сэмээр баҕа санааларын тириэрдибиттэрэ. Кырдьык билигин киһиэхэ доруобуйа, ханнык да кэмҥэ бастакы үктэлгэ турарын өйдөөн, айаны тулуйбат кырдьаҕастарбытын, сытар ыарыһахтарбытын, кырачаан оҕолорбутун көрдөрөр инниттэн, Семен Тимофеевич боппуруоһу уталыппакка эрэ, доруобуйа харыстабылын министиэристибэтин кытта сибээстэһэ охсон, кэпсэтии түмүгүнэн, быраастарбыт кэлэн, икки күн, бар дьоммут доруобуйаларын олус кичэллээхтик, болҕомтолоохтук көрөн — истэн бардылар.
Онон Сииттэлэр үөрүүбүт, махталбыт улахан. Сииттэ дьоно-сэргэтэ олус истиҥник көрүстүгүт диэн, быраастар биригээдэлэрэ ис сүрэхтэн махталларын биллэрэн бардылар. Бастатан туран махтанабыт, туһэр, аһыыр — сиир усулуобуйаны толору бэлэмнээбит олохтоох дьаһалта, балыыһа, култуура кэлэктииптэригэр, итии — минньигэс аска — үөлгэ кыттыспыт «Чуораанчык» детсад ( сэб. Ольга Александрова), олохтоох дьаһалта, култуура, кэлэктииптэрин үлэһиттэригэр. Бар дьоммутугар баҕарыа этибит кытаанах доруобуйаны. Өрүү маннык түмсүүлээх, биир сомоҕолоох буолан бэйэ — бэйэбитин өйөһүөххэйиҥ, өйдөһүөххэйиҥ диэн баҕа санаа бастыҥын тиэрдэбит.
Марианна Сивцева.