Сиэгэн — Күөлгэ киириигэ саҥа стела туруоруллан дьон-сэргэ үөрүүтэ үксээтэ. Кэлэр-барар дьону уруйдуу-айхаллыы көрсөр, сэлиэнньэ сирин-дойдутун сүгүрүйэн ааһар пааматынньыгынан буолуоҕа. Өйдөбүнньүк бэлиэни Василий Артемьевич Аргунов оҥорон, Николай Николаевич Теплоухов спонсордаан биир дойдулаахтарыгар сүдү бэлэх буолла.
Василий Аргунов, стела автора
«Бэйэтин баҕа санаатынан төрөөбүт түөлбэтигэр Николай Николаевич Теплоухов сүдү бэлэҕи оҥордо, өр сылларга дойдубут аартыгын киэргэтэр, дьону ыҥыра-умсугута, төрүттэрбит олохторун көрдөрөр, чеканкаҕа уоллаах кыыс ойуулаах оҺуобай кыраҺыабай көстүү. Бу маны барытын толкуйдаан уҺуннук, дууҺатын биэрэн туран күтүөппут Василий Аргунов айан, таҥан оҥорон таҺаарда. Барҕа махтал буолуохтун уолаттарбытыгар, дойдуларын кэрэтин ситэрэн ойуулаан, киэргэтэн биэрбиттэригэр», — диэн олохтоохтор үөрүүлэрин үллэстэллэр.