Кальвица сэлиэнньэтигэр РФ суруналыыстарын чилиэнэ, РФ үөрэҕириитин туйгуна, Кэбээйи улууһун бочуоттаах олохтооҕо Терехов Никифор Дмитриевич «Бөргөлөр» диэн кинигэтин презентациятын тэрээһинэ олус сэргэхтик, истиҥник ыытылынна.
Манна Никифор Дмитриевич кинигэ туһунан дириҥ ис хоһоонноох ахтыы оҥордо, кинигэ кэлэр кэнэҕэски ыччакка суолталааҕын тоһоҕолоон кэпсээтэ.
Кинигэ сүрэхтэниитигэр ветеран, наставник учуутал Павлова Анна Алексеевна, олохтоох библиотекарь Екатерина Васильевна Гуляева, Екатерина Егоровна, Татьяна Петровна Алексеева, кулууп директора Аида Охлопкова, Маргарита Ионовна Охлопкова, Гуляев Михаил Михайлович, краевед топонимик Иванов Геннадий Васильевич, олохтоох оскуола директора Сивцева Ирина Петровна кинигэ олус дириҥ ис хоһооннооҕун, чуолаан оҕолорго наадалааҕын, балыксыт удьуор ситимэ сүппэтигэр туһуланар диэн бэлиэтээтилэр, махтаннылар.
Куокуй нэһилиэгин дьаһалтатын аатыттан Олесова Нина Егоровна Никифор Дмитриевичка эҕэрдэ сурук, алгыс бэлиэтэ туттарылынна.
Тэрээһини бу кинигэ тахсыытыгар үлэлэспит Любовь Григорьевна Попова иилээн — саҕалаан ыытта.
Нина Олесова