Алтынньы ый саҥатыгар дойду тэбэр сүрэҕэр Москва куоракка үрүҥ көмүс волонтердар VII-с всероссийскай форумнара буолан ааста. Саха өрөспүүбүлүкэтин туоһулуу бу форумҥа Дьокуускай куораттан, Үөһээ Бүлүүттэн, Алдантан, Мэҥэ Хаҥаластан уонна биһиги улуустан мин делегат буоламмыт үс күннээх форумҥа кыттан кэллибит.
Бу тэрээһин арассыыйа эдэр ыччаттарын, арассыыйа үлэ министиэристибэтин, волонтерскай киин ассоциациятын, «Образование» национальные проекты России», «Память поколений» благотворительнай фонда холбоһуктаах проектарынан тэриллэн ыытылынна.
Форум үс күнүн устата үгүс элбэх регионнартан, республикалартан, куораттартан кэлбит 500-кэ бэриниилээх үлэлээх делегаттар биир санааланыы, түмсүүлээх буолуу түһүлгэтигэр түмсэн сырыттыбыт. Секцияларынан үлэлэр, тренингнар, мастар-кылаастар, акциялар, бырайыактары ырытыы үлэлэр тиһигин быспакка ыытылыннылар. Биһиги делегация «Корзина Добра», «Мы вместе», «Письмо бойцу», «Торопышкам с любовью» үтүө санаа акцияларыгар кыттардыы бэлэмнэнэн барбыт буоламмыт тигии, баайыы таҥастарбытынан кытынныбыт.
Организатордар Татьяна Сафонова, Юлия Мальцева, Олег Марфин тэрээһини бэркэ сааһылаан, саастаах дьоҥҥо тэлгэһэттэн тэйбэккэ сылдьан үлэлииллэрин тэрийбиттэр. Онон үлэ барыта отель иһигэр араас залларынан ыытылынна.
Акцияларга, маастар кылаастарга кыттыы эрдэттэн телеграмм каналга ссылканан киирэн регистрация ааһыыта координатордара сөпкө дьаһайаннар делегаттарга олус табыгастаах буолла.
Форум кэнниттэн салайааччыбыт Валентина Васильевна Васильева москвичка серебрянай волонтердары кэпсэтэн Кремль аттынан Кыһыл болуоссакка, үйэлээх уот аттынан, «Парящий мост» үрдүнэн күүлэйдэттилэр.
Татьяна Максимова-Лазарева
