Арассыыйаҕа «Дьиэ кэргэн сыла», Саха Өрөспүүбүлүкэтигэр «Оҕо сыла» биллэриллибитинэн, ыам ыйын 18 күнүгэр Н.П. Егоров аатынан Мастаах орто оскуолата сылын аайы үгэс быһыытынан «Сыл бастыҥнара-2024» анал бириэмийэни оҕолорго анаан олохтуур.
Бу үөрүүлээх күҥҥэ бастыҥнартан бастыҥнарын, үөрэх туйгуннарын, чулууттан чулууларын ааттарын суолларын дорҕоонноохтук ааттаан туран кинилэргэ биһиги нэһилиэк киэн туттар биллэр, көстөр, олорон ааспыт чулуу дьоммут ааттарыттан аймахтара кэлэннэр анал бириэмийэни туттарар. Оскуолабыт хас биирдии тэрээһинин анаммыт дьоннорбут, учууталларбыт биир тыынынан, биир хамаанда буоланнар олус сэргэхтик ыыталлар. Ол курдук, бүгүҥҥү тэрээһиммитин тэрийсибит, сүүрбүт-көппүт учууталларбытын ааттыахпын баҕарабын — Татьяна Николаевна Михайлова, Августина Павловна Саввинова, Артем Юрьевич Лепчиков, Ульяна Дмитриевна Павлова, Степанида Степановна Степанова уонна тэрээһини иилээн-саҕалаан ыытта Сайылыктааҕы оҕо ускуустубатын уһуйааччыта Эдуард Захаров.
Оскуолабыт киэҥ саалатыгар ыытылынна. Оформленияны эппиэтинэстээх 9 кылаастарга сүктэрбиттэрэ, кылаас салайааччы Степанова Степанида Степановна. Олус үчүгэйдик тиэмэтигэр эппиэттиир гына киэргэппиттэр.
Дьэ, эрэ бүгүҥҥү сыл бастыҥнара анал бириэмийэни кимнээх ылбыттарын билиһиннэриэм.
Сыл бастыҥ үөрэнээччитэ — 4 кылаас Эрсан Яковлев
Сыл бастыҥ выпускнига- 4 кылаас Мотя Павлова
Сыл бастыҥ чинчийээччитэ- 4 кылаас Снежана Степанова
Үлэһит оҕо — 4 кылаас Егор Анисимов.
Бастыҥ дуобатчыт — 2 кылаас Уйгулаана Кононова.
Бастыҥ олоҥхоһут — Маша Борисова, 10 кылаас.
Өбүгэ үгэһин утумнааччы — Сахайаана Охлопкова, 11 кылаас
Бастыҥ историк — Алексеева Амалия, 10 кылаас.
Бастыҥ олимпиадник — Баишев Виталий, 11 кылаас
Эдэр куолуһут — Эдилия Эверстова, 11 кылаас
Бастыҥ олимпиадник — Алгыстаана Чемчоева, 9 кылаас
Бастыҥ чинчийээччи — Сайаана Кононова, 6 кылаас
Бастыҥ спортсмен — Арылхан Иванов, 7 кылаас
Бастыҥ атах оонньооччута — Тимир Кейметинов, 10 кылаас
Бастыҥ хапсаҕайдьыт — Эльдар Гуляев, 10 кылаас
Кэскиллээх бильярдист — Виктор Софронов, 11 кылаас
Бастыҥ уол оҕо — Виталий Баишев, 11 кылаас
Бастыҥ спортсмен — Антоний Дмитриев, 9 кылаас
Бастыҥ общественник — Маша Борисова, 10 кылаас
Бастыҥ активист — Сайаана Ноговицына, 10 кылаас
Көмүс бөрүө — Сандаара Эверстова, 10 кылаас
Талааннаах оҕо — Юлиана Михайлова, 11 кылаас
Бастыҥ ырыаһыт — Сандаара Эверстова, 10 кылаас
Уран тарбах — Маша Иванова, Василина Семёнова, 5 кылаас
Сатабыллаах уол оҕо — Уйгун Саввинов, 8 кылаас
Инникигэ эрэлбит — Айыына Борисова, Маша Павлова, Петя Максимов, 6 кылаастар.
Бу улахан тэрээһин үөрэх дьылыгар иитии-үөрэтии үлэтэ хайдах барбытын, оҕолор улууска, өрөспүүбүлүкэ таһымнаах тэрээһиннэргэ кыттыбыттара үгүс ситиһиилэммиттэрин бэлиэтэ. Оҕо ситиһиитэ — оскуола, төрөппүт хардары үлэтин үтүө түмүгэ. Оҕолорбутун бука барыларын «Сыл бастыҥнарын» ааты сүкпүттэринэн итии-истиҥ
эҕэрдэ. Оҕолорбут өссө да үөрэхтэригэр үүнэ, сайда, чэчирии, үрдүк ситиһиилэринэн төрөппүттэрин, учууталларын үөрдэ турдуннар диэн баҕа санаабытын тиэрдэбит.
Сардана Жакипова, Мастаах бөһ.