Сэтинньи 21 күнүгэр Н.П. Егоров аатынан Мастаах орто оскуолатыгар эдэр чинчийээччилэр ортолоругар ыытыллар «Инникигэ хардыы» куустатааҕы научнай практическай конференцияҕа Баҕадьа, Мукучу, Мастаах оҕолоро кыттыыны ыллылар.
Оскуолаҕа эбиэт кэннэ 14 чаастан конфренеция аһыллыыта буолла. Тэрээһиҥҥэ кэлбит кыттааччылары, учууталлары оскуола дириэктэрэ Анжелика Николаевна эҕэрдэлээтэ. Тэрээһини иилээн-саҕалаан ыытта Евгения Никифорова. Кэлбит ыалдьыттары Олоҥхо дэкээдэтэ аһыллыбытынан 4 кылаас үөрэнээччилэрэ «Оскуола олоҕуттан» чабырҕахтаан чаҕаартылар.
13 хайысханан үлэлэри иһиттилэр. Уопсайа 52 дакылаады көрдүлэр,иһиттилэр. Танара орто оскуолатыттан 14 оҕо 2 учуутал, Баҕадьаттан 8 оҕо 4 учуутал кытыннылар. Бу күн Н.Х. Дьяконов аатынан Тыайа орто оскуолатыгар икки күннээх Назар Харлампьевич Дьяконов 100 сааһыгар аналлаах «Киһи.Дьиэ кэргэн.Общество» педагогическай форум буолла. Тэрээһиҥҥэ Мастаах оҕолоро уонна учууталлара кыттыннылар. Учууталларынан Майя Июльевна Егорова, Маргарита Прокопьевна Баишева салайан илдьэ сырыттылар. Форумҥа биһиги оҕолорбут ситиһии көтөллөөх кэллилэр.
Ол курдук бастыҥ үлэлээхтэр ааттара:
Семёнова Саша, 10 кылаас — 3 миэстэ
Охлопкова Владилана, номинация
Яковлева Арина — 1 миэстэ
Софронов Вадим — 1 миэстэ.
«Инникигэ хардыы» кэмпириэнсийэ үөрэнээччи олоҕор бастакы дьоһуннаах хардыыта буолар. Аны туран өрөспүүбүлүкээнскэй кэмпириэнсийэҕэ ситиһиилэннэҕинэ үрдүк үөрэххэ киирэригэр балл биэрэр. Онон эдэр чинчийээччилэргэ чинчийэр үлэнэн утумнаахтык дьарыктаныҥ. Үүнэр сылга саҥа саҕахтары, саҥа үрдэллэри баҕарабын.
Сардана Жакипова, Мастаах нэһилиэгэ