Бүтүн Арассыыйа норуота Улуу Кыайыы 80 үбүлүөйдээх сылын бэлиэтиир кэммит тосхойдо. Ол курдук, Арассыыйаҕа «Аҕа дойдуну көмүскээччилэр», Саха сиригэр «Ийэ дойдуну көмүскээччи», Кэбээйи улууһугар «Дойдуга бэриниилээх буолуу» сылынан биллэрилиннэ. Олунньу 28 күнүгэр Степан Васильев аатынан норуот айымньытын дьиэтигэр дьиэ кэргэн патриотическай ырыа күрэҕэ ыытылынна. Тэрийээччилэр, бырайыак автордара Татьяна Михайлова уонна Эдуард Захаров. Ырыаны ымыы оҥостон ырыа куттаах дьиэ кэргэттэр Мукучуттан, Арыктаахтан, Баҕадьаттан, Мастаахтан кытта кэллилэр. Күрэх аһыллыытыгар Эдуард Захаров Аҕа дойду сэриитин туһунан история чахчыларыттан кэпсээбитэ. Ол кэнниттэн орто сүһүөх кыргыттара уонна 3 кылаас кэллэктиибэ, Сайаана Ноговицына туруорбут үҥкүүтүнэн күрэҕи арыйдылар. Дохсун ытыс тыаһынан ырыа күрэҕин кыттыылаахтарын көрсөн, ырыабыт күрэҕин дьүүллүүр сүбэтин кытта билиһиннэрдилэр. Ол курдук: Музыка кэрэ эйгэтин оскуолатын учуутала Татьяна Абрамова, Айталина Макарова уонна фольклор салаатын уһуйааччыта Сардана Жакипова сыаналаатылар. Күрэскэ 10 дьиэ кэргэн кытынна. Кыттаччыларбыт бары даҕаны талба талааннаахтар эбит диэн сөҕө көрдүбүт-иһиттибит.
Ити курдук анал номинацияттан саҕалаатахха :
Баҕадьаттан Иосиф, Вадим Михайловтар «Көрөөччү биһирэбилэ»
Мастаахтан Екатерина, Маша Павловалар «Патриотическай ырыа»
Мукучуттан Анна Афанасьевна сиэн уолунаан Кешалыын «Дьиэ кэргэн ырыата».
Дьэ, күрэх бастыҥнарыгар киирэбит:
3 Үктэл Мастаахтан Саргылаана, Уйгулаана Кононовалар
2 Үктэл Эдьиийдии-балыс Даана, Ангелина Лазаревалар Мукучуттан
1 Үктэл Аледамира, Владилана, Виктория Охлопковалар Арыктаахтан.
3 Үрдэл Ефросиния, Сааскылаана Григорьевалар, Баҕадьа
2 Үрдэл Альмира, Михаил Винокуровтар, Мастаах
1 Үрдэл Наталья, Леонид Ноговицыннар, Арыктаах
Кылаан Кыайыылаах үрдүк аат чиэскэ тигистилэр
Нина, Аэлита Алексеевалар, Баҕадьа.
Сааскылыы сайаҕас санаанан салайтаран күрэхпит түмүктэннэ, кыттыбыт дьиэ кэргэҥҥэ бука барыларыгар махталбытын тиэрдэбит. Күрэспитигэр успуонсардаабыт тэрилтэлэрбитигэр тэрийээччилэр ааттарыттан улахан махталбытын тиэрдэбит. Сыаналаах бириистэр туттарылыннылар. Саала иһэ толору киһи муһунна, кэмэ суох ытыс тыаһа иһилиннэ. Бу күрэххэ 25300 киирбит үп-харчы уллустааҕы анал байаннай дьайыы «Ассамблея Народов Кобяйского Улуса РС(Я)» фондадтыгар киириэ.
Сардана Жакипова
