Кыайыы 80 сылыгар аналлаах тэрээһиннэр чэрчилэринэн, Сиэгэн Күөл орто оскуолатыгар Аҕа дойду сэриитин бэтэрээнэ Иван Григорьевич Кривошапкин аатынан Хотугу норуоттар төрүт көрүҥнэригэр арын сүһүөх үөрэнээччилэрин ортотугар күрэхтэһии буолан ааста. Тэрээһини бэтэрээн сиэнэ Олеся Корякина, хос сиэннэрэ Зарина, Валерия Корякиналар, Балерина Павлова, Айыына Алексеева киэргэттилэр.
Күрэхтэһиигэ Батамай уонна Сиэгэн күөл оскуолатын үөрэнээччилэрэ күөн көрүстүлэр. Кинилэр 5 араас көрүҥҥэ илин-кэлин түһүстүлэр. Ол курдук, хаарынан сүүрүү, куулунан киирсии, маамыктаны быраҕыы уонна ох саанан ытыы. Күрэх түмүгүнэн кыайыылаах үрдүк аатын 4 кылаас үөрэнээччитэ Чоросов Айтал ылла уонна 5000 тыһыынчалаах спортивнай маҕаһыын сертификатын бэлэх тутта. Иккис миэстэ — Готовцев Илья, онтон үһүс бочуоттаах миэстэҕэ Степанов Сайдам тигистилэр.
Тэрийээччилэр Иван Григорьевич удьуордарыгар дириҥ махталларын тириэрдэллэр. Маннык үтүө тэрээһиннэр өссө да ыытылла туралларыгар баҕарабыт.
Светлана Оконешникова