Куокуйбут нэһилиэгэр » Кыһын Саха сириттэн саҕаланар» бэстибээл чэрчитинэн Саҥа дьыллааҕы күөх харыйабыт уоттара күлүмнүү, араас өҥүнэн сандаара умайда. Күндү ыалдьыттарынан буоллулар кэлэр кэнчээри ыччаттарбыт, төрөппүттэр, нэһилиэкпит олохтоохторо.
Бу үтүөкэн күн кэлбит, мустубут эрэ аптаах, алыптаах остуоруйа дойдутун геройдарын кытта илэ көрсөн, кинилэр сорудахтарын толорон, таабырыннарын таайан, моһоллору ааһан, ырыа- үҥкүү эйгэтигэр уйдаран, ааһан иһэр сылбыт, кэлэн иһэр сыл символларын кытта көрсүстулэр. Тымныы оҕонньорго оҕолор баҕа санаа суруктарын туттардылар. Тымныы оҕонньор, Хаарчаана сиэнинээн эҕэрдэлээн туран нэһилиэкпит күөх харыйата күлүмүрдүү умайда, сандаарда.
Кэлбит оҕо- аймах барыта минньигэс бэлэх туттулар, үөрдүлэр- астыннылар. Тымныы оҕонньор оҕолорго эрэннэрдэ, төннөн иһэн баҕа санаа суруктарын бадаарагын кэлэр сыл тохсунньу ыйга ыытыллар утренникка толоруом диэн. Саҥа дьыл тыына билиннэ, оҕо аймах үөрдэ- көттө, уопсай флешмоб үҥкүүнэн, хаартыскаҕа түһүүнэн түмүктэннэ.
Полина Борисова