Ыам ыйын 8 күнүгэр Кэбээйи нэһилиэгэр Кыайыы болуоссатыгар «Өйдөбүнньүк чүмэчи» Арассыыйатааҕы аахсыйа кэмигэр анал байыаннай дьайыыга сылдьан олохторун толук уурбут биир дойдулаахтарбытыгар анаммыт баннер арыллыыта буолан ааста. Баннер туруоруутун Кэбээйи нэһилиэгэр анал байыаннай дьайыыга сылдьар дьиэ кэргэттэри кытта үлэлэһэр куратор Ирина Олеговна Попова сүүрэн-көтөн туруоруста.
Тэрээһиҥҥэ олохторун толук уурбут уолаттар чугас дьоннорун аатыттан Н.А. Иванова махтанан тыл эттэ. Нэһилиэкпитигэр, улууспутугар таһаарыылаахтык үлэлии-хамсыы олорор «Илии сылааһа» түмсүү (сал. Терехова К.А.) анал дьайыыга сылдьар 17 уол амарах аҕаларыгар сылаас флисовай жилеттары тигэн бэлэх ууннулар. Маны таһынан, аҕа баһылыкпыт Илья Иванович Левин сүрүннээһининэн, анал дьайыыга инники күөҥҥэ сылдьар 40 хорсун уолаттарбыт дьиэ кэргэттэригэр түөлбэлэрин олохтоохторо бэлэх оҥорон дьиэннэн тарҕатыллар.
Светлана Оконешникова