Кулун тутарыйга Кэбээйи орто оскуолатыгар сахалартан бастакы Атаман — Саха сиринээҕи казактар полкаларын Атамана, Арассыыйа казактарын Союhун чилиэнэ, Аан дойдутааҕы «Казачий народ» консорциум, АФ уонна СӨ Ис дьыалаҕа ветераннарын Сэбиэтин, АФ Саха сиринээҕи УФСИН салаатын Общественнай Сэбиэтин, СӨ сыанаҕа политикатын Государственнай комитетын, Дьокуускай куорат Административнай комиссиятын чилиэнэ, Арассыыйа казактарын Союhун «За службу казачеству» үрдүкү орденын, АФ бырабыыталыстыбатын «Патриот России» мэтээл кавалера, Кэбээйи нэhилиэгин бочуоттаах олохтооҕо ФилиппИванович Бондарев бирииhигэр үгэс буолбут «Мин –коллекционербын» диэн быыстапка-куонкурус тѳрдүс тѳгүлүн ыытылынна. Быйылгы быыстапка-куонкурус Кэбээйи нэhилиэгэ тэриллибитэ 385 сылыгар ананна.
Алын сүhүѳх кылаастарга кыайыылааҕынан ааттанна 2 «а» кылаас үѳрэнээччитэ Левин Айсен. Айсен массыыналарынан интэриэhиргиир. Сэбиэскэй кэмнээҕи массыына ойуулардаах открыткалары, раскраскалары, коллекционнай массыыналары, брелоктары, наклейкалары, лего оонньуурдары уо.д.а. мунньар. Былырыыҥҥы куонкуруска ирдэнэринэн араас 33 лего-оонньуур массыыналары, 13 коллекционнай массыыналары туруорбут буоллаҕына, быйыл коллекцията уопсайа 106 устуука буолбут. Ону таhынан кини раскраска папкатын быыстапкаҕа кѳрдѳрдѳ. Иккис бочуоттаах миэстэҕэ тигистэ 2 «б» кылаас үѳрэнээччитэ Кобяков Владик. Владик быыстапкаҕа 517 тимэҕинэн паннолары оңорбутун туруорда, былырыын 410 тимэҕи быыстапкаҕа туруорбута. Yhүс бочуоттаах миэстэни ылла 3 «б» кылаас үѳрэнээччитэ Ковлеков Эрчим. Эрчим былырыын 66 массыынаны быыстапкаҕа туруорбут буоллаҕына, быйыл коллекциятын 100-кэ тиэрпит.
Орто сүhүѳх кылаастарга кыайыылааҕынан таҕыста 5 «а» кылаас үѳрэнээччитэ Афанасьева Сайаана. Сайаана аныгы оҕо кэрэхсиир “K-рор” карточкаларын мунньан саҕалаабыт. 508 устууканы быыстапкаҕа туруорда. Былырыын Сайаана быыстапкаҕа 314 фантик уонна 60 уруучуканы мунньубутун кѳрдѳрбүтэ. 2 — с миэстэни ылла 6 «б» кылаас үѳрэнээччитэ Лепчиков Ермак. Ермак быйылгы быыстапкаҕа 87 магниты уонна 98 манньыаттары туруорда. Былырыыҥҥы быыстапкаҕа 56 манньыаты муспутун туруорбута. Yhүс бочуоттаах миэстэҕэ тигистэ 5 «а» кылаас үѳрэнээччитэ Левина Лилия. Лилия быйыл 620 киндер оонньуурдары, 1033 сэбиэскэй артыыстар открыткаларын кѳрдѳрдѳ. Былырыын 506 киндер оонньуурдары быыстапкаҕа туруорбута.
Улахан кылаастарга кыайыылааҕынан ааттанна Софронеева Сандара, 9 «а» кылаас үѳрэнээччитэ. Кини 54 манньыаты уонна араас омук кумааҕы харчыларын муспут. Иккис миэстэни Обутов Сандал, 9 «а» кылаас үѳрэнээччитэ. Кини 76 манньыаты туруорда. Yhүс миэстэни Гуляева Валя ылла. Валя 64 урукку уонна аныгы значоктары муспут. Былырыын Валя 60 значогу туруорбута.
Кылаастарынан кыайыылаах аатын ылан кубогынан наҕараадаланнылар: 2 «б» кылаас (кыл. сал. Максимова Т.И.), 5 «а» кылаас (кыл. сал. Ноговицына М.П.), 9 «а»кылаас (Павлова М.Е.). Кыайыылаах оҕолор бары мэтээлинэн, дипломунан, сертификатынан, кыттыбыт оҕолор бары сертификатынан наҕараадаланнылар.
Быйылгы куонкуруһу сыаналаатылар: «Харыстаана» коллекционердар кулууптарын бэрэссэдээтэлэ Сметанина З.Я., солбуйааччыта Сивцева А.Т., «Сайдам» норуот айымньытын дьиэтин худуоhунньуга Кобякова М.В. уонна 5 «а» кылаас үѳрэнээччитэ, Степанов П.Д. аатынан улуустааҕы кыраайы үѳрэтэр түмэр иhинэн үлэлиир «Эдэр коллекционер» куруhуок чилиэнэ Евдор Лепчиков. Евдор кыра эрдэҕиттэн күндү уонна боростуой таастары, ракушкалары мунньар. Былырыыҥҥы быыстапкаҕа кини 601 таастары уонна 22 ракушкалары туруорбута, быйылгы быыстапкаҕа 615 араас таастары уонна ракушкалары туруорда.
Быйылгы быыстапка-куонкурус икки түhүмэҕинэныытылынна. Бастаан — кылаас иhигэр, онтон кылаас аайыттан биэс кыайыылаах коллекционер оҕолор мунньууларын «Сайдам» норуот айымньытын дьиэтигэр туруордулар.
Быыстапканы сыл аайы кѳҕүлээн, бириис туруоран ыытар меценаппытыгар Бондаревка Ф.И., Степанов П.Д. аатынан улуустааҕы кыраайы үѳрэтэр түмэл экскурсоводугар А.А. Максимоваҕа, Кэбээйитээҕи «Сайдам» норуот айымньытын дьиэтин дириэктэригэр Полятинская Н.И., улахан махталбытын тириэрдэбит.
«Харыстаана» коллекционердар кулууптарын бэрэссэдээтэлэ
Сметанина З.Я.