Кэбээйи киэн туттар выпускниктара, ХИФУ профессора, техническэй наука доктора Алексей Егорович Местников,педагогическай наука кандидата Аксиния Дмитриевна Обутова уонна Эверстовтар педагогическай династияны салҕааччы, РФ уопсай үөрэхтээһинин бочуоттаах үлэһитэ Анна Егоровна Обутова көҕүлээһиннэринэн, Кэбээйи орто оскуолатыгар 2022 с. аан маҥнайгы «университетскай физико-математическай” хайысхалаах кылаас арыллыбата.
Быйыл 12 выпускник ситии-хотуу аттестатын тутан, республика, Россия араас муннуктарынан техническай идэлэри баһылыы турунуохтара. Выпускниктар 3 сыл устата ХИФУ преподавателлэрэ физика, математика предметтэрин дириҥ хорутуулаахтык үөрэттилэр, ону таһынан «проектная деятельность” диэн эбии чааска чинчийэр үлэнэн дьарыктаннылар. Оҕолору кылаас салайааччыта Майя Анатольевна Терехова уонна директоры үөрэх чааһыгар солбуйааччы Евдокия Ильинична Терехова салайан сырыттылар.
“Тиһэх чуораан” үөрүүлээх быһыытыгар-майгытыгар оҕолор университетскай кылааска эбии үөрэппит чаастарын туоһулуур удостоверениелары туттулар. Бу удостоверениелара үөрэххэ киирэллэригэр эбии 3 баалы биэрэрин туоһулуур.
Бастакы хараҥаччыларбытыгар биир кэлим эксээмэннэрин ситиһиилээхтик туттаран, сөбүлээн талбыт идэлэригэр туттарсан киирэллэригэр баҕарабыт.
Кэбээйи орто оскуолатын медиакиинэ