2023 сыллаахха Кэбээйи нэһилиэгэр аныгы, тупсаҕай көстүүлээх дьон-сэргэ сынньанарыгар аналлаах парка тутуллан үлэҕэ киирбитэ. Олоҥхо ыһыаҕар бэлэмнэнии үлэтин чэрчитинэн Кэбээйи нэһилиэгин эдэр ийэлэрэ түмсэн парканы кырааскалааһын, сэргэхситии үлэтин ыыттылар.
Ол курдук, бу сайын Елена Леонидовна Никитина тыл көтөхпүтүн «Сайдам» норуот айымньытын салайааччыта Наталья Ивановна Полятинская өйөөн, дьүөгэлэрэ Мария Эверстова, Сардаана Мигалкина холбоһон ыҥырыы таһаарбыттарын нэһилиэкпит олохтоохторо өйөөн, кырааска атыылаһыытыгар уопсайа 149900 рб суумманы хомуйбуттара. Хомуллубут харчыга Елена Леонидовна, Наталья Ивановна Дьокуускайтан үрдүк хаачыстыбалаах, тымныыны тулуйумтуо кырааскалары атыылаһан аҕалан хайыы-үйэ кырааска үлэлэрэ саҕаланнылар.
Эдэр ийэлэргэ оскуола улахан кылааһын үөрэнээччилэрэ, «Сайдам» норуот айымньытын дьиэтин үлэһиттэрэ күүс-көмө буоллулар.
Светлана Оконешникова