Кэбээйи агрооскуолатын 10-11 кылааһын уолаттара куулунан соболоох кэлэн, дьиэ кэргэттэрин үөртүлэр.
Алтынньы 22 күнүгэр, Кэбээйи орто оскуолатын үөрэнээччилэрэ күннэрин туһалаахтык атаардылар. Оскуолабыт сылын ахсын агро бырагыраамма чэрчитинэн улахан кылаас уолаттарын муҥхаҕа таһаарар үтүө үгэстээх.
Ол курдук, директоры иитэр үлэҕэ солбуйааччы Аполлон Гуляев уонна эр дьон учууталлар, үлэҺиттэр салайыыларынан «Лиһэ» диэн эбэни тардан, уолаттары муңха сиэригэр-туомугар үөрэтэн, сибиэһэй салгынынан тыынан, үлэ үөрүйэхтэригэр сыстан, дуоһуйан кэллилэр. Онно эбии эбэлэрэ куул аҥардыыта инчэҕэй собонон күндүлээтэ.
Түгэнинэн туҺанан төрөппүттэр оскуолабыт директорыгар Гаврил Павлович Харлампьевка махталларын тиэрдэллэр!
Сайаана Терехова, 11 кылаас
«Дьоҕур» медиакиин, Кэбээйи орто оскуолата