Ахсынньы 3 күнүттэн 10 күнүгэр дылы Арассыыйаҕа инбэлииттэр декадалара биллэриллибитинэн, үтүө үгэскэ кубулуйбут «Коробка Добра» аахсыйа Арыттаах нэһилиэгэр ыытылынна. Анаан хас биирдии маҕаһыыҥҥа хоруопка уурбуппут, ону тэҥэ оҕо уһуйаанын иитиллээччилэрэ «Мы все равны» диэн тиэмэгэ уруһуйдаан көхтөөх кыттыыны ыллылар.
Ахсынньы 13 күнүгэр доруобуйаларынан хааччахтаах дьоммутугар кыра сэмэй бэлэхпитин нэһилиэкпит дьонун аатыттан туттардыбыт.
Бары кыттыыны ылбыт үтүө санаалаах дьоммутугар уонна кырачаан оҕолорбутугар барҕа махталбытын тиэрдэбит. Үтүө санааҕыт сүүс төгүл үтүөннэн эргийдин. Бары үтүөнү, кэрэни баҕаран туран «АЙЫЛГЫ» сынньалаҥ киинин кэллэктиибэ.
Марина Максимова