Кэбээйи улууһун Куокуй нэһилиэгэр айар куттаах, эдэр эстрада ырыаһыта, таптал ырыаларын ымыы гынан көтүппүт Анатолий Горохов саҥа сольнай «Тапталтан кынаттанан» диэн ааттаах эҕэрдэ кэнсиэрэ буолла.
Бу эрэ киэһэ Анатолий дьон кутун туппут бастыҥ, саҥа суруллан тахсыбыт ырыалара тыаһаатылар, ону тэҥэ кэнсиэргэ кыттыыны ылла талааннаах ырыаһыт Егор Слепцов бастыҥ ырыаларын түһүлгэтэ буолла. Анатолий бэйэтэ кэнсиэрин иилээн-саҕалаан холку, нарын намчы куолаһынан көрөөччүлэри кытта сэгэргэһэр курдук ыытта. Наһаа холку, майгылааҕа, аҥардас мичээринэн көрөөччүлэр сүрэҕин уулларардыы, буспут хара хаптаҕас харахтара күлэн симиктии көрөр олох хас биирдии көрөөччү сүргэтин көтөҕөр, үҥкүүлээн дьон-сэргэ хас да ырыатыгар тэҥҥэ үҥкүүлэстилэр. Ырыатын быыһыгар Усуйаана улууһун Хаһааччыйа бөһүөлэгиттэн төрүттээҕин, бииргэ төрөөбүттэрин, ийэтин-аҕатын, кэргэнин, оҕолорун видеоклип көстүлээх билиһиннэрдэ. Кыра эрдэҕиттэн ыллыырын сөбүлүүрүн, кэлин култуура колледжин режиссура салаатын ситиһиилээхтик бүтэрдэр да, ырыам абылаҥа күүстээҕэ, дьоҕура баһыйан ыллам ырыа аартыгар үктэммитэ ырааппыт.
Хоту улуустар ырыаннан оҕону иитэллэр диэн ханна эрэ истибиттээхпин …
Ол курдук, доҕоро,таптаан быраатым диэн ааттыыр Егор Слепцовы, Муоматтан төрүттээх уолун билиһиннэрэн илдьэ сылдьар. Егор олох ырыаттан ыраах киһи этим диир. Эһиги биир дойдулааххыт мелодист Алексей Калининскай студенныы сылдьан ырыатын куруһуогар дьарыктанан, чочуллан дьэ ырыаһыт буолан махталым муҥура суох диэн кэпсиир. Ырыа эйгэтигэр суолбун-ииспин булан ыллыы-туойа сылдьабын диир. Егор дьоно-сэргэтэ, бииргэ төрөөбүттэрэ үөрэхтээх, аат суол бөҕө, бары айылҕаттан талааннаах дьоннор эбит.
Ырыа хас биирдии киһи олоҕор тус-туспа оруоллаах, суолталаах. Хоһоон уонна ырыа диэн сатабыл, култуураҕа, өйгө- санааҕа иитэр тускул. Дьону биир тэтимҥэ түмэн барыларын сомоҕолуур. Ырыаҕыт сайда, чэчирии турдун!
Хас биирдии көрөөччүлэргэ умнуллубат түгэннэри бэлэхтээтигит. Бу курдук биир ырыа, үҥкүү дьоро кэрэ киэһэтин бэлэхтээбит, хоһуун хоту дойду уолаттарыгар Анатолий Гороховка, Егор Слепцовка махтал мааныта, баһыыба бастыҥа Куокуй нэһилиэгин олохтоохторун аатыттан.
Полина Жергина
Кэбээйи улууһа, Куокуй нэһилиэгэ.