Куокуйдааҕы «Надежда» иистэнэр түмсүү сайыҥҥы да кэмҥэ тохтообокко үлэлээтэ. СВО байыастарыгар анаан, ыраастаналларыгар, дойдуларын мастарын ыраас сытын иҥэринэн этэҥҥэ сылдьалларыгар диэн иннэлээх мастар лабаалара хомуллубуттара, туостар ыраастаммыттара.
Ону таһынан «Битэмиин» үлэ-сынньалаҥ лааҕыр оҕолоро барахсаттар «Эр хоһуун, этэҥҥэ эргиллэн кэлэргэр!» диэн алгыс тыллаах 28 харысхал мөһөөччүктэри анаан оҥорон бэлэмнээбиттэрэ (сал. Николаева В.Е). Ону барытын түмэн, атырдьах ыйын саҥатыгар Дьокуускай куоракка баҕа өттүнэн үлэлиир «Илии сылааһа» иистэнэр сыахха баһыылкалаан ыытыллыбыта. Сыах үлэһиттэрэ тутан, долгуйан туран оҕолорбутугар махталларын ыыппыттара.
Ираида Софронеева, Куокуй.