Арыктаах нэһилиэгэр Вячеслав Штыров аатынан спортивнай саалаҕа «Өбугэлэр оонньуулара» ыытылынна.
Оскуола үөрэнээччилэрэ олус көхтөөхтүк кытыннылар. Хабылык, хаамыска күрэхтэрэ буоллулар.
Бу спортивнай тэрээһини «Айылгы» культура киинин уус уран салайааччыта Марина Викторовна Максимова, библиотекарь Мария Афанасьевна Ноговицына тэрийэн ыыттылар. Оҕолор олус сэргэхсийдилэр, өбүгэлэрин оонньууларын кытары билистилэр, элбэххэ үөрэннилэр.
Маннык спортивнай күрэхтэһиилэр инникитин ыытыллыахтара.
Спорт сонунун суруйда, Петр Ноговицын. Арыктаах нэһилиэгэ.