Олунньу ый 14 күнүгэр Кэбээйи улууһун, Мукучу нэһилиэгэр И.Е.Левин аатынан Танара орто оскуолатыгар дойдубутугар Аҕа Дойдуну, Өрөспүүбүлүкэбитигэр Ийэ Дойдуну көмүскээччилэр, улууспутугар Дойдуга бэриниилээх буолуу сылларын арыйар, ону тэҥэ Кыайыы 80 сылын көрсө дириҥ суолталаах улууспутугар бастакы «Дьоруой Паартата» арыллыытын тэрээһинэ буолан ааста.
Биир дойдулаахпыт, Танара орто оскуолатын 1993 сыллаах выпускнига баҕа өттүнэн Ийэ дойдутун чиэһин көмүскээри Анал байыаннай дьайыыга баран олоҕуҥ толук уурбут Афанасий Иванович Софронеев хорсун быһыытын кэнчээри ыччакка билиһиннэрэр, аатын үйэтитэр сыаллаах тэрээһин ыытылынна. «Дьоруой паартатын» уонна стэндетин кэргэнэ Роза Андреевна, уолаттара Айтал, Иван, кыыһа Сайнаара Куо, табаарыстара арыйдылар.
Биир ньыгыл Арассыыйа партия көҕүлээһининэн, Арассыыйа үөрэхтээһинин «Дьоруой паартата» бырайыагынан, Афанасий Иванович Софронеев аатыгар кыһыл көмүс буукубаларынан суруллубут паартатын арыйар күҥҥэ, бастакынан олорор чиэһи биэрдилэр бырааттарыгар Стас Гуляевка уонна Матвей Яковлевка.
Кэлин бу паартаҕа олоруохтара, үөрэхтэригэр туйгун, оскуола олоҕор көхтөөх, уһулуччу ситиһиилээх үөрэнээччилэр.
Анна Ионова