Пушкин аата хас биирдии дьиэҕэ…
Будьурхай баттахтаах Пушкиным
Остуолум үрдүттэн мичээрдиир,
Сайаҕас санаабар поэтым
Олоҕо, таптала тиллээхтиир… (Саха норуодунай поэта Эллэй).
Сыл аайы бэс ыйын 6 күнүгэр нуучча литературатыгар сүдү кылааты киллэрбит Улуу бэйиэт Александр Пушкин төрөөбүт күнэ бэлиэтэнэр. 2011 сыллаахха Арассыыйа бэрэсидьиэнэ Владимир Путин бэс ыйын 6 күнүн Нуучча тылын күнүнэн ааҕар туһунан Ыйааҕа тахсыбыта. Александр Сергеевич Пушкин аата нуучча литературнай тылын төрүттээччинэн ааҕыллар, айымньылара омугуттан, сааһыттан, итэҕэлиттэн тутулуга суох араас көлүөнэҕэ ааҕыллан, аан дойду норуоттарын тылларыгар тылбаастанан кэллилэр, кини улуу талааныгар сүгүрүйээччи ахсаана сөҕүрээбэт.
Бугун нуучча Улуу сруйааччыта, бэйээтэ А.С. Пушкин төрөөбүт күнүн бэлиэтээтибит.
«Пушкины бары аагабыт»диэн сыл ахсын ыытыллар ааҕыыга нэһилиэкпит олохтоохторо, бэйээт улуу талааныгар сүгүрүйэн поэт хоһооннорун ааҕаллар, үгүс ааҕааччылар хоһооннорун строкаларын өйтөн ааҥаллар.
Саха норуотугар Пушкин “Былыт” хоһоонун сахалыы тылынан бастакынан П.А. Ойуунускай тылбаастаабыта. Ити хоһоонун Петр Степанов ааҕан иһитиннэрдэ. Бүгүҥҥү тэрээһиҥҥэ олохтоох балыыһа кэллэктиибэ (сэб. А.А. Павлова), культура үлэһиттэрэ (дир.М. С. Сивцева), администрация эдэр специалистара (баһылык С Т.Тимофеев) уонна «Дайаана» маҕаһыын үлэһиттэрэ (сэб. С.Д. Николаева) көхтөөх кыттыыны ыллылар.
Кырачаан Ариша Расулова, Пушкин остуоруйаларын олус сөбүлүүрүн төрөппүттэрэ этэллэр. Биһиги бары да Пушкины ааҕан, кини остуоруйаларыттан саҕалаан улааппыппыт саарбаҕа суох. Тапталлаах бэйиэппит айымнньыларын ааҕыҥ, үөрэтиҥ!
Мария Обутова