Сииттэбит нэһилиэгэр Дьоруойдар куүннэрин бэлиэтээтибит. Тэрээһиҥҥэ анал байыаннай дьайыыга сылдьар оҕолорбут төрөппүттэрин кытта көрүсүһүү буолла. Көрсүһүүнү олохтоох библиотека сэбиэдиссэйэ Мария Обутова арыйда.
Бу күн олохтоох дьаһалта баһылыгын солбуйааччыта Петр Степанов дириҥ ис хоһоонноох иһитиннэрии оҥордо. Олохтоох култуура дьиэтин салайааччыта Марианна Сивцева быйылгы сылга төһө сууммалаах гуманитарнай, анал байыаннай дьайыыга сылдьар оҕолордоох дьиэ кэргэттэргэ туох көмөлөр оҥоһуллубуттарын туһунан билиһиннэрдэ. Дьоруойдар күннэригэр анал байыаннай дьайыыга сылдьар оҕобут оруобуна төрөөбүт күнүн истэн олус үөрдүбүт уонна долгуйдубут. Кини 26 сааһын туолбутун уонна анал мэдээлинэн наҕараадаламмытын туһунан ийэтэ Анастасия Охлопкова иһитиннэрдэ.
Бүгүҥҥү күҥҥэ анал дьайыыга сылдьан суох буолбут уонна сураҕа суох сүппүт уолаттарбытын ахтан — санаан аастыбыт. Дьоруойдар күннэригэр бары оҕолорбут билиҥҥи бириэмэ дьиҥнээх дьоруойдара буолалларын үйэлэргэ умнуохпут суоҕа диэн баҕа санаабытын тиэртибит.
Марианна Сивцева