Психологическай месячник тэрээһинин чэрчитинэн Баҕадьатааҕы сүрүн оскуолатыгар «Полка Добра-СВО» диэн акция буолан ааста. Ол курдук, оскуолабыт оҕолоро, төрөппүттэрэ быстах операция саҕаланыаҕыттан буолар акцияларга бастакынан көхтөөхтүк кытталлар.
Баҕадьа сүрүн оскуолатын 6 кылаас үөрэнээччилэрэ Саввинов Айхан, Бережнов Саян, Собакина Ванесса, Григорьева Сахаайа, Кононов Миша бу буолбут акцияҕа эмиэ туора турбатылар. Кинилэр кылаастарыгар «Мы волонтеры» диэн проект үлэлээн эрэр, ол чэрчитинэн «Полка Добра-СВО» акцияҕа хомуллубут аһы түҥэтэргэ үөрүүнэн тиксэрдилэр. Үөрэнээчилэр күүстээх санааны, кытаанах доруобуйаны, үлэлэригэр ситиһиилэри, дьиэ кэргэннэригэр дьолу- соргуну тириэртилэр. Сэрии түргэнник бүттүн диэн баҕа санааларын этиннилэр.
Нэһилиэк бүттүүн «Кыайыы» кэлиэ диэн бүк эрэллээхпит.
Анна Собакина
