Баҕадьа бөһүөлэгэр Кэбээйи улууһун бочуоттаах олохтооҕо, учуутал-наставник Васильев Трофим Дорофеевич 80 сааһынан олохтоох администрация, оскуола кэлэктиибэ, Баҕадьаттан төрүттээх тумус туттар дьоммут, Трофим Дорофеевич аймахтара өйөөннөр биир күннээх эр дьоҥҥо күрэх тэрийдилэр. Бүгүҥҥү тэрээһиҥҥэ уопсайа 18 киһи кытынна. Ол курдук Мастаахтан, Баҕадьаттан, Мукучуттан кытыннылар. Икки бөлөххө арахсан оонньоотулар. Икки сиринэн бильярдка күрэхтэстилэр. Дьэ, тыҥааһыннаах, долгутуулаах, өрө күүрүүлээх, илин-кэлин түсүһүүлээх икки остуолунан буолла.
Аҕам саастаахтарга:
3м-Михайлов Андрей Иванович (Мастаах), бирииһэ -массажёр. Успуонсар Дмитриевтар дьиэ кэргэн Дьокуускай.
2м -Егоров Александр Николаевич, бирииһэ -электротермос. Успуонсар -Яковлевтар дьиэ кэргэн, Дьокуускай. Ону кытары харчынан 5 тыһ. успуонсардар бииргэ төрөөбүттэр Галина Ивановна Алексеева, Анисья Ивановна, Иван Иванович, Анна Ивановна, Ким Иванович.
1 м-Афанасьев Анатолий Егорович (Мукучу), бирииһэ -пылесос. Успуонсар Елена Петровна, Иван Иванович Дьяконовтар оҕолоруттан Ульяна Ивановна, Иван Иванович, сиэннэриттэн Елена Айхаловна Дьяконовтартан уонна харчынан 5тыһ. успуонсар Анатолий Павлович Николаев.
Эдэрдэргэ:
3м -Григорьев Александр Николаевич (Мукучу), бирииһэ -бинокль, фонарь. Успуонсар -Баҕадьа сүрүн оскуолата.
2м- Саввинов Владимир Владимирович (Мастаах), бирииһэ -ледобур. Успуонсар Светлана Дорофеевна, Пётр Васильевич Макаровтар Дьокуускай куорат. Харчынан 5тыһ. успуонсар бииргэ төрөөбүттэр Галина Ивановна Алексеева, Анисья Ивановна, Иван Иванович, Анна Ивановна, Ким Иванович.
1 м- Иванов Данил Кириллович (Мукучу), бирииһэ -набор инструментов. Успуонсар Ноговицын Иван Николаевич оҕолоруттан, сиэннэриттэн, хос сиэннэриттэн. Ону тэҥэ харчынан 5 тыһ. успуонсар Анатолий Павлович Николаев.
Бу күрэххэ «Саҥа саҕалааччы» анал аат хаһаайынынан буолла Григорьев Прокопий Прокопьевич (Мастаах), бирииһэ -термос. Успуонсар Васильев Анатолий Дорофеевич (Мастаах)
Үбүлүөйдээх аҕам саастаах киһибитигэр Васильев Трофим Дорофеевичка «БПУ-1968 с выпускниктара» эҕэрдэ сурук уонна мас чороон бэлэх ууннулар. Ону сэргэ улуустааҕы бильярдистар түмсүүлэр ааттарыттан эҕэрдэ сурук, кубок, харчынан Трофим Дорофеевичка бэлэх туттардылар.
БПУ-1968с выпуск анал сувенир бириистэрин тэрийээччигэ Григорьева Ефросинья Давыдовнаҕа, Трофим Дорофеевич сэмэй бэлэҕин туттарда.
Ити курдук Баҕадьа, Мастаах, Мукучу бильярды өрө туппут дьоммутугар биир бэлиэ күн ааста. Сааһырдыбыт диэн олорбокко олоҕу кытта тэҥҥэ хаамсан айа-тута сылдьар дьоммутуттан биһиги эдэр көлүөнэ дьон холобур оҥостобут. Успуорт умсугутуулаах көрүҥэ бильярд биһиги улууспутугар федерация тэриллиэҕиттэн сыллата күрэхтэр ыытылла тураллар. Араас өрөспүүбүлүкээнскэй бильярд күрэҕэр биһиги дьоммут Кэбээйилэр тиийэн кыттаннар кэккэ ситиһиилэрдээхтэр. Баҕадьаҕа ыытыллыбыт күрэх тэрийээччилэригэр, успуонсардаабыт дьоммутугар, күрэх кыттыылаахтарыгар улахан махталбытын тиэрдэбит. Түгэнинэн туһанан биһиги аймах биир тумус туттар убаастыыр киһибитин Трофим Дорофеевиһы өрөгөйдөөх үбүлүөйүнэн эҕэрдэлиибит. Кытаанах доруобуйаны, чэгиэн туругу, бары үтүөнү-кэрэни, дьолу-саргыны баҕарабыт. Чугас дьонуҥ сылаас сыһыаннара, дьон -сэргэ ытыктабыла эйиигин мэлдьи арыаллаатын күүскэр күүс эптин. Бу курдук өрүү үөрэ-көтө, сүбэлии -амалыы сырыт.
Сардана Жакипова, Мастаах нэһ.