Ол курдук, бэҕэһээ Сэбээн Күөллээҕи таба иитэр көһө сылдьар «Олень» общинатыгар быһылаан таҕыста. Уоппускатыгар сынньана, көмөлөһө тиийбит С. аттарын көрдүү сырыттаҕына иннигэр арай ыта өлөр саҥата иһиллибит. Онуоха С. доруоп саатынан куттаары дуу, үргүтээри дуу үөһээ ытан саайбыт. Саатар доруоба үс эрэ боторуоннаах буолан тыас таһаарбыт. Ытааттын кытта үс адьырҕа кыыл бу киһи диэбитинэн сүүрэн кэлтэр, икки ботуруоннаах киһи хайыай? Өй була охсон уот оттубут, аны кэнниттэн төрүт да биэс бөрө тахсан кэлбит. Дьэ дьолго хата түспэтэхтэр. Ол кэннэ табаһыт П. табаҕа сырыттаҕына хаһыытаппытынан ытын тырыта тарпыттар. Дьэ уонна ити кэннэ бөрөнү тыа санитара, бултуурга ол бу араас докумуон, аны өлөрөн туттараары гыннахына өлбүт киһитээҕэр элбэх докумуону ирдииллэр. Маны этэн тураммын сокуон уларыйарыгар төрүт анныттан, ол аата бу биһиги боростуой тыа дьоно бэйэбитин, иитэр баайбытын-дуолбутун харыстыыр инниттэн, үрдүкү былаас дьаһыйсарын курдук бэйэбитин көмүскэтээри, араҥыччылатаары талбыт депутаттарбыт күүскэ, сытыытык хамныахтарын наада.
Хоту дьон буолан баран ол ханна эрэ хой дойду сокуонун эйэлэһэн олорорбут төрүт оруна суох. Өссө эһэ туһунан кэпсии да барыллыбат. Оччотугар айылҕа харыстыбылыгар үлэлиир дьоннор дьон үлэлиир, сылдьар сирдэригэр бу айылаах кыылларын бэрээдэктээтиннэр.
Ааҕааччым маны туох диигин? Санааҕын үллэһин.
Миттэ уола Нэгиэ, «Хендэл» община бэрэссэдээтэлэ, Сэбээн Күөл
Фото: tursar.ru