Кэбээйи нэһилиэгин салалтата, олохтоохторо, анал байыаннай дьайыыга сылдьар буойуттар дьиэ кэргэттэрэ мэлдьи болҕомто киинигэр сылдьыахтаахтар диэн санааннан салайтарар.
Ол курдук, сэлиэнньэбитигэр анал байыаннай дьайыыга сылдьар, сылдьыбыт уолаттардаах 42 ыал олорор. Кинилэргэ бу күннэргэ тэрилтэлэр, бука бары, үгэс курдук сыһыарыллыбыт ыалларыгар муустарын ылан, тиэйэн киллэрэн биэрдилэр.
Бу маннык үлэлээри сүрүннээччи киһиннэн анал байыаннай дьайыы кыттыылаахтарын дьиэ кэргэттэрин куратордара Ирина Олеговна Попова буолар. Кини көҕүлээһининэн харчынан да, дьыаланан да үлэ тахсыылаахтык ыытыллар.
Маныахха анал байыаннай дьайыыга сылдьыбыт, сылдьар уолаттардаах ыаллар нэһилиэк тэрилтэлэригэр, нэһилиэктэрин олохтоохторугар тиһигин быспакка көмөлөрүн иһин улахан махталларын тириэрдэллэр. Кинилэр өйөбүллэрэ санааларын бөҕөргөтөр, инникигэ эрэли кэрэһэлиир.
Светлана Оконешникова