Кэбээйи улууһун Кэбээйи нэһилиэгин «Үтүө түгэн» түмсүү волонтердара саха сирин эмтээх отторун, ыраастыыр күүстээх үүнээйилэрин хомуйан хатаран бэлэмнээннэр анал байыаннай дьайыыга сылдьар байыастарга ыытардыы баһыылка оҥордулар.
Бу баһыылкалар истэригэр уһуйаан оҕолорун, оскуола үөрэнээччилэрин суруктарын уктулар. Оҕолор анал байыаннай дьайыы байыастарыгар анаабыт суруктарыгар, кинилэри дойдуларыгар күүтэллэрин, кыайыыны, ыраас халлааны, сырдыккүнү, сибэккилээх хонууну уруһуйдаан үтүөнү түстээтилэр. Маны кытта «Харыстаана» коллекционердар түмсүүлэрэ харысхал оттору, дьөһөгөй оҕотун кылыттан оҥорон харысхаллары түмэн ыыттылар. Саллаат ийэтэ Дария Сметанина байыастарга олус наадалаах полевой газовай плиткалары баллончиктаан баһыылка бэлэмнээбитин волонтердар илдьэ бараннар«Якутия с тобой» түмэр киинигэр Анна Ефимоваҕа туттардылар.
Татьяна Максимова-Лазарева