Олунньу 19 күнүгэр оскуолабытыгар 5,6,7,8 кылаас оҕолоругар Саха сирин Пионериятын күнүнэн, Улуу Кыайыы 80-н сылын көрсө «Буойун учууталлар» библиотечнай- музейнай уруок буолан ааста. Бу тэрээһини оскуолабытыгар кыраайы үөрэтээччи Сивцева Анна Лазарьевна уонна оскуолабыт библиотекара Назаренко Сайыына Васильевна ыыттылар.
Уруок са5аланыытыгар пионерскай барабаан оскуолабыт пионердарын тэрээһиҥҥэ ыҥырда. Учууталбыт Сивцева А.Л. Саха сирин Пионерията үөскээбит күнүн туһунан кэпсээн, оскуолабыт бастакы пионердара А5а дойду Улуу сэриитигэр Ийэ дойдуларын кыр өстөөхтөртөн көмүскүү аттаммыттара. Кинилэр пионер оҕо саастан Ийэ дойдуга тапталы, бэриниилээх, кыра5а, кыаммакка болҕомтолоох буолууга оччотоо5у учууталлар иитэн – үөрэтэн таһаарбыттара. О5ону иитэр – үөрэтэр үлэҕэ биһиги оскуолабытыгар 2017 сылтан пионерскай этэрээттэр тэриллэн үлэлии сылдьаллар. Бу тэрээһиҥҥэ сэрии кэмин о5ото оскуолабыт выпускнига, учуутала музейбытын тэрийбит Роза Васильевна Попова аатынан пионерскай этэрээт (5 кылаас салайааччыта Обутова С.В.), сэрии тулаайа5а, өр сылларга нэһилиэкпитигэр баһылыгынан үтүө суобастаахтык үлэлээбит Григорий Степанович Иванов аатынан пионерскай этэрээт (6 кылаас салайааччы Аммосова М.И.), бастакы пионердартан биирдэстэрэ А5а дойду Улуу сэриитин кыттыылаа5а, Сииттэ начаалынай оскуолатыгар үөрэнэ сылдьан пионерскай слетка ыҥырыллыбыт Иннокентий Дорофеевич Сивцев аатынан пионерскай этэрээт (7 кылаас салайааччыта Сидорова А.Г.), сэрии кэмин о5ото, оскуолабытыгар өр сылларга үтүө суобастаахтык үлэлээбит алын сүһүөх учуутала Аграфена Александровна Сивцева аатынан пионерскай этэрээт ( 8 кылаас салайааччыта Кривошапкин З.А.).
Бу тэрээһиҥҥэ ыҥырыылаах күндү ыалдьыттарбыт: буойун учуутал Семен Егорович Герасимов төрөппүт уола Анатолий Семенович Герасимов кэргэнэ Герасимова Татьяна Васильевна, пионерскай хамсааһын ветерана, «Алаһа» эбээлэр кулууптарын салайааччыта Васильева Матрена Лазаревна, үлэ, тыыл ветерана Захарова Е.Гр. улахан сиэнэ, олохтоох администрация үлэһитэ Колмогоров Дмитрий Петрович ыалдьыттаатылар.
Советскай Союзка о5ону иитиигэ — үөрэтиигэ пионерскай хамсааһын улахан суолталаа5ын, дириҥ ис хоһоонноо5ун туһунан Сайыына Васильевна кэпсээтэ.
Оскуола бастакы пионердарын, буойун учууталларын Улуу Кыайыы 80-н сылын көрсө санаан ааһаары «Буойун учууталлар» уруок киириитин 7-с кылаас коллектива «Мин мантан сэриигэ барбытым» диэн ырыанан саҕалаатылар (худ. салайааччы Попова Л.К.). Бу ырыа тылларын буойун суруйааччы Иннокентий Иванович Артамонов 1959 с. суруйбутун, суруйааччы олоҕун туһунан Анна Лазарьевна билиһиннэрэн, бары да буойуттары долгутар ырыаны оскуолабыт аатын сүгэр, буойун учуутал оскуолабыт бастакы үөрэнээччилэриттэн, пионердарыттан биирдэстэрэ В.Е. Колмогоров олус таптаан ыллыырын олус сэргии иһиттибит.
Анна Лазарьевна уонна Сайыына Васильевна оскуолабыт буойун учууталларын Колмогоров Василий Егорович, Дьяконов Алексей Семенович, Эртюков Василий Васильевич, Колмогоров Алексей Егорович уонна Герасимов Семен Егорович туһунан кинилэр олохторун, хайдах сэриигэ хорсуннук сылдьыбыттарын оскуолабыт музейын матырыйаалларын туһанан кэпсээбиттэрин истиҥник ылынныбыт.
Буойун учуутал, Сииттэбититтэн анал учуутал үөрэҕэ да суох буоллар, оҕолору үөрэппит Дьяконов Алексей Семенович үөрэппит о5ото, үлэ, тыыл ветерана, пионерката учууталын Алексей Егорович сэриигэ барыытын туһунан ахтан – санаан ааспыт ахтыытын улахан сиэнэ Колмогоров Дмитрий Петрович билиһиннэрдэ. Буойун учуутал Семен Егорович Герасимов кийиитэ, олохтоох балыыһа5а өр сылларга үтүө суобастаахтык үлэлии сылдьар Татьяна Васильевна Семен Егорович туһунан олус истиҥ ахтыы оҥорбутун, биһиэхэ кэс тылы тиэрдибитин, Семен Егорович үөрэппит о5ото, элбэх оҕо амарах ийэтэ, эбээтэ Васильева Матрена Лазаревна учууталын туһунан бу оло5ун устата кини туһунан истиҥ өйдөбүлү илдьэ сылдьарын, оҕолорго алгыс тыллары тиэрдибитин олус астынан иһиттибит.
Уруок түмүгэр 2005 сыллаахха Маша Новгородова айбыт «Буойун учууталга» диэн хоһоонун 7 кылаас үөрэнээччитэ Попов Айаал уонна 8 кылаас үөрэнээччитэ Павлов Коля ааҕан иһитиннэрдилэр.
«Буойун учууталга»
Ийэ дойду ыңырар кэмигэр
Өстөөҕү өһөрөр туһугар
Учуутал эр бэртэрэ
Уруучуканы, укаасканы
Ыстыыкка кубулутан
Оскуола чуораанын хаалларан
Туруммуттара хорсуннук.
Махтаныах кинилэргэ —
Буойун учууталларга!
Үйэтитиэх, сүгүрүйүөх
Килбиэннээх ааттарын!
Биһиги оскуолабыт бастакы пионердара, буойун учууталлар уоттаах сэрии бары кыһарҕанын ааһан, сиргэ эйэлээх олоҕу түстэспит, Улуу Кыайыыны аҕалсыбыт хорсун саллааттарынан киэн туттабыт, кинилэр олохторун үлэ5э-үөрэххэ холобур оҥостобут.
Ким да умнуллубат, туох да умнуллубат!
Тимофеева Оля, В.Е. Колмогоров аатынан Сииттэ орто оскуолатын 9-с кылааһын үөрэнээччитэ