Куокуй нэһилиэгин Арҕас бөһүөлэгэр Улуу Кыайыы 80 сылынан, Булчут, Аҕалар күннэрин чэрчитинэн
«Умнубаппыт. Өйдүүбүт. Махтанабыт» диэн Аҕа дойду Улуу сэриитин кыттыылаахтарын сырдык ааттарын үйэтитэн, кинилэр оҕолоро, сиэннэрэ, аймахтара анал бириистэрин туруоран олус тэрээһиннээх күрэх буолан ааста. Күрэҕи олохтоох дьаһалта, «Угуйаан» киин, «Дьоһун саас», «Айтал» түмсүүлэр тэрийэн ыыттылар.
Күрэх сахалыы сиэринэн «Луҥха долгуннара» эҕэрдэ үҥкүүтүнэн аһылынна, алаадьынан маанылаан көрүстүлэр .
Олохтоох дьаһалта нэһилиэгин баһылыга Лев Николаевич Павлов, сэрии оҕото, үлэ бэтэрээнэ Гаврил Тимофеевич Гуляев, аҕам саастаахтар «Дьоһун саас» түмсүү салайааччыта Нина Егоровна Олесова кэлбит көрөөччүлэри, күрэх кыттыылаахтарын эҕэрдэлээтилэр, кыайыыны баҕардылар. Күрэх кэмигэр итии чэй, аһылык, кофе А.Н. Гуляева, А.Е. Докторов тэрийдилэр.
Күрэхтэһээччилэр сэттэ көрүҥҥэ күөн көрүстүлэр, ол курдук:
1. Бэйэни билиһиннэрии
2. МЦ 21-12 сааны ыһыы, хомуйуу
3. Ох саанан ытыы
4. Мас хайытан, кутаа оттон чэй өрүү
5. Булт сокуонугар боппуруостар
6. Мэһэйдэрдээх эстафета:
— Толору булт тэриллээх 100 м сүүрүү
— Сыырдары, дулҕалары туорааһын
7. Пневматическай саанан сыал ытыы.
Бэрт тыҥааһыннаах куоталаһыы түмүгүнэн күрэх муҥутуур кыайыылааҕынан Руслан Егорович Олесов таҕыста, киниэхэ «Албан Аат» орден кавалера Тимофей Егорович Гуляев аатынан анал бирииһи кини уола, сэрии оҕото, үлэ бэтэрээнэ Гаврил Тимофеевич Гуляев саха быһаҕын үөрүүлээх быһыыга — майгыга туттарда. Ону тэҥэ Берлиҥҥэ диэри хорсуннук сэриилэспит Платон Семенович Лукинов аатынан анал бирииһи «Учур» маҕаһыын 16500 сок сертификатын кыыһа — Илларионова М.П , «Албан Аат» орден кавалера Егор Афанасьевич Петров аатынан харчынан (15.000 соль.) бирииһи аймах билэ дьоно туттардылар. Кыайыылаахха мэдээл, диплом туттарылынна.
Күрэх кыайыылааҕа — Олесов Руслан Егорович
Игнатьев Айсен Терентьевичка сэрии бэтэрээнэ » Хорсунун иһин» мэдээл кавалера, Берлиҥҥэ тиийэ хорсуннук сэриилэспит Михаил Петрович Иванов харчынан (15.000 солк.) анал бириис, сэрии бэтэрээнэ элбэх мэдээл кавалера Афанасий Николаевич Иванов аатынан анал бириис (15000 солк.), аймахтар ааттарыттан, мэдээл, диплом туттарылынна.
Күрэх эдэр кыттыылааҕа Егор Соловьев, Варвара Никифоровна Спиридонова - спонсор
Сэрии бэтэрээнэ Гуляев Тимофей Егорович ушла үлэ бэтэрээнэ, сэрии оҕото Яковлев Гаврил Тимофеевич кыайыылаахха анал бирииһин туттарар
Гуляев Михаил Николаевичка мэдээл диплом, сэрии бэтэрээнэ, пулеметчик, бойобуой мэдээллэрдээх Соловьев Николай Николаевич аатынан анал бирииһи (10000 сок.) кини уола юстиция бэтэрээнэ, полковнига, СР үтүөлээх юриһа,РФ үтүөлэрин иһин мэдээл, Куокуй нэһилиэгин бочуоттаах олохтооҕо Соловьев Василий Николаевич туруорбут бирииһин бэтэрээн кыыһа — СР үөрэҕириитин бочуоттаах үлэһитэ Софронеева И.Н туттарда, истиҥ , эҕэрдэтин, ахтыытын тиэртэ.
Сэрии уонна үлэ бэтэрээнэ, Аҕа дойду Улуу сэриитин 2 истиэпэннээх орден хаһаайына, » Үлэҕэ килбиэнин иһин» мэдээл кавалера Азаров Афанасий Васильевич аатынан анал бирииһи оҕолоро, сиэннэрэ 14000 солк. сыаналаах анньыы туруоран туттардылар.
Сергеев Майкл Спиридоновичка сэрии, үлэ ветерана Игнатьев Кирил Иванович аатынан анал бирииһи сиэннэрэ (10.000 солк.),ону тэҥэ сэрии толоонугар хорсуннук олоҕун толук биэрбит Иванов Василий Данилович аатынан анал бирииһи- 12000 солк. аймах- билэ дьонноро туттардылар.
Гуляев Евгений Александровичка сэрии бэтэрээнэ бойобуой мэдээллээх, «Бочуот Знага» орден кавалера, нэһилиэк сэбиэтин бэрэссэдээтэлинэн өр кэмҥэ таһаарыылаахтык үлэлээбит Павлов Дмитрий Павлович аатынан анал бириис (10000 солк. сертификат), ону тэҥэ сэрии бэтэрээнэ, » Хорсунун иһин» мэдээл кавалера Унаров Кузьма Иннокентьевич, үлэ фронун кыттыылааҕа Игнатьев Петр Иванович ааттарынан анал бириис — 8000 солк., мэдээл, диплом туттарылынна.
Иван Софронеевка сэрии бэтэрээнэ Аҕа дойду сэриитин 2 истиэпэннээх орденнаах, Берлиҥҥэ диэри хорсуннук сэриилэспит Гуляев Алексей Егорович аатынан харчынан анал бирииһи, сэрии толоонугар хорсуннук сэриилэһэ сылдьан олоҕун толук биэрбит Игнатьев Андрей Спиридонович аатынан анал бирииһи (8000 солк. сертификат) сиэннэрэ туттардылар.
Соловьев Егор Васильевичка мэдээл, диплом, сэрии бэтэрээнэ Аҕа дойду Улуу сэриитин 2 истиэпэннээх орден кавалера Петров Серафим Афанасьевич аатынан анал бириис, ини бии Наум сэрии толоонугар хорсуннук олоҕун толук биэрбит, Федот, Прокопий сэрии бэтэрээннэрэ, бойобуой мэдээллэрдээх Спиридоновтар ааттарынан анал бирииһи (бензопила) сиэн балтылара үлэ, культура бэтэрээнэ В.Н. Спиридонова туттарда.
Ону тэҥэ СВО-ҕа сэриилэһэ сылдьан олоҕун толук биэрбит, «Эр Санаа» орден кавалера Семенов Денис Юрьевич аатынан анал бирииһи кэргэнэ М.Н. Олесова туттарда.
Гуляев Максим Афанасьевичка мэдээл, диплом, сэрии бэтэрээнэ, снайпер, булчут Дмитрий Дмитриевич Сметанин аатынан анал бирииһи, үлэ фронун бэтэрээнэ Гуляев Афанасий Игнатьевич аатынан харчынан бирииһи сиэннэр, аймахтар ааттарыттан туттарылынна.
Сэрии бэтэрээнин Соловьев Николай Николаевич кыыһа СӨ үөрэҕириитин бочуоттаах үлэһитэ Софронеева Ираида Николаевна
Куокуй нэһилиэгин баһылыга - Лев Николаевич Павлов
Күрэхтэһии суолтатын өйдөөн, өйөөн, анал бириистэри туруорбут бэтэрээннэр оҕолоругар, сиэннэригэр, аймахтарыгар махтанан туран, олохтоох дьаһалта аатыттан Л.Н. Павлов эҕэрдэ суруктары туттартаата, дьоһун олоҕу олорон ааспыт, сэрии уот кутаатын ортотунан хорсуннук сэриилэспит биир дойдулаахтарбыт сырдык ааттарын кэриэстээн, ытыктаан, үйэлэргэ ахта, саныы сылдьыаҕыҥ!
Нина Олесова