Бүгүн Куокуй нэһилиэгин Арҕас бөһүөлэгэр дьоһун олоҕу олорон ааспыт, Таджикистантан төрүттээх, ытык- мааны күтүөппүт, улахан дьиэ кэргэн аҕа баһылыга, эйэҕэс эһэтэ, урбаанньыт, балыксыт Расулов Тухтош Боротович сырдык аатын үйэтитэн, оскуола оҕолорун икки ардыларыгар ыытыллыбыт «КУЙУУР ФЕСТ» күрэх олус тэрээһиннээхтик, сэргэхтик ыытылынна. Күрэххэ 13 оскуола оҕолоро 5 көрүҥҥэ сытыытык күрэхтэстилэр, кыайыыга дьулуурдарын көрдөрдүлэр, «Бастыҥ Куйуурдьут» ааты ылар иһин күөн көрүстүлэр.
Күрэххэ Мэҥэ-Хаҥаластан бэйэбит оҕобут, быйылгы республикаҕа ыытыллыбыт куйуур күрэҕэр элбэх балыгы ылыыга рекордсмен, чемпион аатын ылбыт Павлов Кирилл, ону тэҥэ Кэбээйиттэн Кобяков Максим кэлэн кыттыбыттарын махтана бэлиэтиибит.
Куйуур күрэҕин 3 сүрүн бирииһин Расулов Тухтош Боротович дьиэ кэргэнэ, оҕолоро туруордулар. Маны таһынан, нэһилиэкпит ытык мааны үлэ ветераннара, балыксыттар анал номинацияларга бэйэлэрин ааттарыттан харчынан сертификаттары туттардылар. Кыттааччы оҕолорбутугар аймахтара Павлова А.С., Гуляев Г. Т, Семёнов В. М, туруорбут анал бириистэрэ туттарылыннылар. Ону тэҥэ олохтоох 10 үлэ ветераннара, удьуор балыксыттар Гуляев М.М., Игнатьев А.К., Еремеев.П.У., Петров.И.С., Азаров.И.А., Иванов.А.Д, Павлов.А.Н, Иванов.Г.В Павлов.И.И, Гуляев.Г.Г (аатынан кэргэнэ А.С.), Сметанин Д.С, Федотов.П.С. анал харчынан бириистэрэ туттарыннылар.
Ойбон алларыыга Гуляев Кэскил убайынаан Павлов Егордуун бастакынан тэһэн, кыайыылаах аатын сүктүлэр уонна тимир ууһа Иванов Василий Данилович анал бирииһин, саха быһаҕын ыллылар.
Бастакы балыгы ылыыга Лоботов Максим 57 сөкүүндэни көрдөрөн Расулов Сухраб үлэлиир тэрилтэтин анал бирииһин, «Учур» маҕаһыынтан булчут таҥаһын комплегынан бэлиэтэннэ.
Элбэх балыгы ылбыт Егоров Ярослав эмиэ «Учур» маҕаһыыныттан булчут танаһын комплегынан наҕараадаланна.
Күрэхтэһии муҥутуур кыайыылааҕынан Дедюкин Дыгын ааттанна уонна 40 тыһ. сууммаллаах кыһыҥҥы «Медведь» балаакканан наҕараадаланна. 2 миэстэ — Эверстов Коля ледобурунан уонна 3 миэстэлээх Кэбээйиттэн кэлбит кыттааччыбыт Кобяков Максим балыктыыр раскладушканан наҕараадаланнылар. Маны таһынан мэтээллэр, дипломнар, муҥутуур кыайыылаахха Кубок туттарылынна.
Куйуур — өбүгэбит үгэһэ умнуллубатын, дьоһун олоҕу олоро ааспыт үлэһит үтүө дьоммут ааттара үйэлэргэ умнуллубатын, кэлэр кэнчээри ыччаппытыгар салҕанан, тэнийэ турдун диэн баҕарыаҕыҥ.
Олесова Нина Егоровна, тэрийээччи, Саха Өрөспүүбүлүкэтин култууратын үтүөлээх үлэһитэ
Расулов Тухтош Боротович кэргэнэ Татьяна Степановна уола сүрүн Бириистэри туруорбут Расулов Сухраб Тухтошович