Саха киһитигэр тоҕус ый томороон тымныы кыһынын этэҥҥэ ааһан күөххэ, сайыҥҥа үктэммитэ ураты дьоллоох кэм.
Бу маннык кэрэ кэм сатыылаан турдаҕына Кэбээйи нэһилиэгэ Ньукуолун күн аҕам саастаах дьонун-сэргэтин сибиэһэй кус итии миинин, алгыстаах, амтаннаах алаадьытын амсата сынньалаҥ пааркатыгар түмтэ.
Саастаах дьон дуоһуйа кэнсиэр көрдүлэр, хабылык, хаамыска быраҕыстылар, оһуохайдаан дьиэрэттилэр. Тэрээһиҥҥэ бэрт сонун алаадьы арааһын күрэҕэ сэҥээриини тарта. Күрэх түмүгүнэн кыайыылааҕынан Т.С. Иванова ааттанна. Иккис миэстэ — А.Н. Левина, үһүс — Л.И. Дьяконова ыллылар.
Дьоммут-сэргэбит самаан сайын кэлбитин үөрэ көрсөн дуоһуйан тарҕастылар.
Светлана Оконешникова