Балаҕан ыйын 7 күнүгэр биир дойдулаахтарбытын Арассыыйаҕа, Саха литературатыгар дириҥ кылааттаах Саха норуодунай суруйааччыларбытыныын Николай Лугиновтыын, Владимир Федоровтыын олус истиҥ көрсүһүү буолан ааста. Көрсүһүүгэ 12 киһилээх, бары Өрөспүүбүлүкэҕэ киэҥник биллэр дьонноох делегация сырытта. Сарсыардатын суруйааччыларбыт төрөөбүт ытык сирдэригэр Таас Тумуска уһуллуу, ытык сир айылҕатыгар сынньалаҥ, сахалыы остуол тула сэһэргэһиилэр ыытылыннылар. Киэһэтин «Угуйаан» култуура киинэ Үөрүүлээх чааһы, Куокуй орто оскуолатын, олохтоох библиотеканы кытта бииргэ тэрийэн ыытта.
Үөрүүлээх чаас Владимир Федоров 75 сааһыгар ананна. Владимир Николаевич оскуола Учууталлара киэҥ ис хоһоонноох дакылаатттарыттан, оҕолор хоһооннорун ааҕыыларыттан, библиотека айымньыларын кэпсиир кинигэ быыстапкатыттан сүрдээҕин диэн долгуйда, махталын биллэрдэ. Баһылык солбуйааччыта Семенов И.В., оскуола дириэктэрэ Петров И. И. эҕэрдэлээн туран, Дойдубутун кэпсиир кинигэ, Саха Харысхалын бэлэх ууннулар. Тэрээһини иилээн-саҕалаан, ыллаан, быйыл дойдутугар үлэлии кэлбит Татьяна Суздалова-Гаврильева ыытта. Бу истиҥ тэрээһин үгэс быһыытынан 7 төгүлүн «Таас Тумус күөнүгэр» бырайыак чэрчитинэн буолла. Дойду дьонноох, суон сурахтаах….
Татьяна Суздалова-Гаврильева